Բորջոմիի հովտում՝ Ախալդաբա ավանի մերձակայքում գտնվող անտառում բռնկված հրդեհը մարվել է։ Այս մասին տեղեկություն է տարածում ՆԳՆ-ը։ Գերատեսչությունից հայտնում են, որ հրշեջ-փրկարարները շարունակում են մնալ հրդեհի վայրում և մշակում են կրակի մարված օջախները։ Այրվել է մոտ մեկ հեկտար անտառ։
Լրահոս
Ընթերցողի ընտրանի
- 1 ՆԳՆ Սպասարկման գործակալությունը սկսել է մեկ տարի ժամկետով միջազգային վարորդական վկայականներ տրամադրել
- 2 ՄԱԿ-ում Ռուսաստանի ներկայացուցիչը կրկնել է Օգոստոսյան պատերազմի վերաբերյալ «Վրացական երազանքի» հայտարարությունը
- 3 ՌԴ արտաքին հետախուզությունը հայտնում է, որ ԱՄՆ-ը «գունավոր հեղափոխություն» է նախապատրաստում Վրաստանում
- 4 «Վրացական երազանքը» դադարել է երազանք լինելուց, այն դարձել է մղձավանջ. նախագահ
- 5 Ուկրաինացիները Կուրսկում վերահսկում են 28 բնակավայր, 2 հազար մարդու ճակատագրից տեղյակ չենք․ Սմիրնով
- 6 Կոբախիձեն 22 ընտրատարածքներում ներկայացրել է «Վրացական երազանքի» պատվիրակներին
«Անվտանգության և մոնիթորինգի ապահովման նպատակով Արտակարգ իրավիճակների կառավարման ծառայության ներկայացուցիչները տեղում կմնան ողջ գիշեր»,- ասված է ՆԳՆ հաղորդագրության մեջ։
Ախալդաբացիները երեկ՝ կեսօրից հետո, անտառի մոտ ծուխ են նկատել։ Երեկվանից տեղի բնակիչներն ու արտակարգ իրավիճակների կառավարման ծառայության հրշեջ-փրկարարները փորձում էին մարել հրդեհը։ Արտակարգ իրավիճակների կառավարման ծառայությունից հայտնում են, որ ողջ գիշեր հրշեջների և փրկարարների կողմից շարունակվել են ինտենսիվ տեղայնացման և մարման աշխատանքները։ Հրդեհաշիջման աշխատանքներին մասնակցել է ավելի քան 150 հրշեջ։ Այսօր առավոտյան ժամը 10:00-ի սահմաններում աշխատանքներին ներգրավվել է սահմանապահ ոստիկանության չորս ուղղաթիռ։
Անտառային հրդեհի պատճառն անհայտ է։ Վարկածներից մեկն անփութությունն է։
Ազգային անտառային գործակալության վիճակագրական տվյալների համաձայն՝ 2012-2023 թվականներին գործակալության տնօրինության տակ գտնվող անտառային ֆոնդում գրանցվել է հրդեհի 613 դեպք։ Ամենաշատ հրդեհները՝ 188 դեպք, գրանցվել են 2020 թվականին, իսկ ամենամեծ տարածքն այրվել է 2017 թվականին (1299․9 հա)։
