ბორჯომის ხეობაში, დაბა ახალდაბის მიმდებარედ, ტყეში გაჩენილი ხანძარი ლიკვიდირებულია. ამის შესახებ ინფორმაციას შინაგან საქმეთა სამინისტრო ავრცელებს. უწყებაში აცხადებენ, რომ ხანძრის ადგილზე მეხანძრე-მაშველები რჩებიან და მიმდინარეობს მხრჩოლავი კერების დამუშავება. დამწვარია დაახლოებით ერთი ჰექტარი ტყე.
ახალი ამბები
მკითხველის რჩეული
- 1 „ცოლად შერთვის მიზნით გაიტაცა და სექსუალურად იძალადა“ - კახეთის პოლიციამ 5 პირი დააკავა
- 2 სამტრედიაში ნიკა მელიას თავს დაესხნენ
- 3 კობახიძემ დააკონკრეტა რომელი ოპოზიციური პარტიების აკრძალვას გეგმავს „ქართული ოცნება“
- 4 შოვის სტიქიაზე ახალი კვლევის გამოქვეყნების შემდეგ ლაშა სუხიშვილი გამოკითხვაზე დაიბარეს
- 5 გაეროში რუსეთის წარმომადგენელმა აგვისტოს ომზე „ქართული ოცნების“ განცხადება გაიმეორა
- 6 მწვერვალ შხელდაზე დაღუპული მთამსვლელის, არჩილ ბადრიაშვილის ცხედარი იპოვეს
„ადგილზე უსაფრთხოებისა და მონიტორინგის მიზნით, საგანგებო სიტუაციების მართვის სამსახურის წარმომადგენლები მთელი ღამის განმავლობაში დარჩებიან“, - აღნიშნულია შს სამინისტროს განცხადებაში.
ახალდაბის მცხოვრებლებლებმა ტყესთან კვამლი გუშინ, დღის მეორე ნახევარში შენიშნეს. საღამოდან ხანძრის ჩაქრობას ადგილობრივები და საგანგებო სიტუაციების მართვის სამსახურის მეხენძრე-მაშველები ცდილობდნენ. საგანგებო სიტუაციების მართვის სამსახურის ინფორმაციით, მეხანძრე-მაშველების მიერ სალოკალიზაციო და სალიკვიდაციო ინტენსიური სამუშაოები მთელი ღამის განმავლობაში უწყვეტ რეჟიმში მიმდინარეობდა. ხანძარს 150-ზე მეტი მეხანძრე-მაშველი აქრობდა. დღეს, დაახლოებით დილის 10:00 საათიდან კი, სამუშაოებში სასაზღვრო პოლიციის ოთხი ვერტმფრენი ჩაერთო.
ტყის ხანძრის გამომწვევი მიზეზი უცნობია. ერთ-ერთ ვერსიად დაუდევრობა სახელდება.
ეროვნული სატყეო სააგენტოს სტატისტიკური მონაცემების მიხედვით, სააგენტოს მართვას დაქვემდებარებულ ტყის ფონდში, 2012-2023 წლებში, ხანძრის 613 შემთხვევა დაფიქსირდა. ხანძრის ყველაზე მეტი, 188 შემთხვევა 2020 წელს არის აღრიცხული, ყველაზე დიდი ფართობი კი 2017 წელს (1299.9 ჰა) დაიწვა.
