Ռուսաստանի կողմից օկուպացված Ցխինվալիի տարածաշրջանի դե ֆակտո առաջնորդ Ալան Գագլոևը ժամանել է Չեչնիա, որտեղ կմասնակցի այսօր և վաղը «Հարավային Օսիայի մշակույթի օրերի» շրջանակներում նախատեսված միջոցառումներին։
Լրահոս
Ընթերցողի ընտրանի
- 1 Ես կտրականապես դեմ էի առանց վիզայի ռեժիմի կասեցմանը, բայց փոխեցի իմ դիրքորոշումը․ Ռոթ
- 2 Մառնեուլիի սակրեբուլոյի փոխնախագահը մի քանի քվեաթերթիկ է լցրել արկղի մեջ, ընտրատեղամասը փակվել է
- 3 ԿԸՀ-ի նախնական արդյունքներով՝ ընտրություններում 53%-ով առաջատարը «Վրացական երազանքն» է
- 4 «Ֆորմուլայի» և «Մթավարիի» էքզիթ փոլերով ընտրություններում հաղթում է ընդդիմությունը, ըստ «Իմեդիի»՝ «Երազանքը»
- 5 Նախագահը չի ճանաչում ընտրությունների արդյունքները. հոկտեմբերի 28-ին Ռուսթավելիում հավաք է նախատեսվում
- 6 Ժամը 17:00-ի դրությամբ ընտրողների մասնակցությունը 50,06 տոկոս է
Ըստ մամուլի ծառայության՝ Չեչնիայի ղեկավար Ռամզան Կադիրովն արդեն ընդունել է Գագլոևին իր նստավայրում, թեև վաղը նախատեսված է պաշտոնական հանդիպում, որտեղ կողմերը կքննարկեն երկկողմ հարաբերությունների հարցեր։
Գրոզնիում ներկա է նաև Հարավային Օսիայի մշակույթի դե ֆակտո նախարար Ռադա Ձագոևան, ով կհանդիպի Չեչնիայի մշակույթի նախարար, Ռամզան Կադիրովի աղջկա՝ Այշատ Կադիրովայի հետ։
Մարտին օկուպացված Ցխինվալիում անցկացվել են չեչենական մշակույթի օրեր։ Այդ ժամանակ Ալան Գագլոևը Այշատ Կադիրովային «Հարավային Օսիայի և Չեչնիայի հանրապետությունների ժողովուրդների հարաբերությունների, բարեկամության և համագործակցության զարգացման գործում անձնական մեծ ավանդի համար» պարգևատրել է «Բարեկամության շքանշանով»:
Ալան Գագլոևը Հարավային Օսիայի Հանրապետության դե ֆակտո նախագահ է դարձել մեկ տարի առաջ՝ 2022 թվականի մայիսին անցկացված այսպես կոչված ընտրությունների արդյունքում։
