რუსეთის მიერ ოკუპირებული ცხინვალის რეგიონის დე ფაქტო ლიდერი ალან გაგლოევი ჩეჩნეთში ჩავიდა, სადაც მონაწილეობას მიიღებს „სამხრეთ ოსეთის კულტურის დღეების“ ფარგლებში, დღეს და ხვალ დაგეგმილ ღონისძიებებში.
ახალი ამბები
მკითხველის რჩეული
- 1 „ოცნების“ საარჩევნო ქოლცენტრები რეგიონებში და ზეწოლა ამომრჩევლებზე
- 2 თეთრიწყაროს მოსამართლემ 30 უბნის შედეგები გააუქმა ხმის ფარულობის დარღვევის გამო
- 3 Edison: ეგზიტპოლსა და ცესკოს შედეგებს შორის 13%-იანი სხვაობა მანიპულირებაზე მიუთითებს
- 4 „გვაქვს 81 ფაქტი და ეს სისტემურობაზე მიუთითებს“ - „ოცნება“ ოპოზიციას ხმების მოპარვაში ადანაშაულებს
- 5 აქციებზე ჟურნალისტებისთვის მუშაობაში უკანონოდ ხელის შეშლის ფაქტებზე გამოძიება დაიწყო
- 6 არჩევნების დროს საქართველოში აშშ-ის მიერ სანქცირებული რუსი პროპაგანდისტი იმყოფებოდა
პრესსამსახურის ინფორმაციით, ჩეჩნეთის მეთაურმა, რამზან კადიროვმა გაგლოევი უკვე მიიღო საკუთარ რეზიდენციაში, თუმცა ოფიციალური შეხვედრა, სადაც მხარეები ორმხრივი ურთიერთობის საკითხებს განიხილავენ, ხვალ არის დაგეგმილი.
გროზნოში დე ფაქტო სამხრეთ ოსეთის კულტურის მინისტრი რადა ძაგოევაც იმყოფება, რომელიც ჩეჩნეთის კულტუტრის მინისტრს, რამზან კადიროვის შვილს, აიშათ კადიროვას შეხვდება.
მარტში, ოკუპირებულ ცხინვალში, ჩეჩნეთის კულტურის დღეები გაიმართა. მაშინ, ალან გაგლოევმა აიშათ კადიროვა „მეგობრობის ორდენით“ დააჯილდოვა „სამხრეთ ოსეთის და ჩეჩნეთის რესპუბლიკების ხალხებს შორის ურთიერთობების, მეგობრობისა და თანამშრომლობის განვითარებაში შეტანილი დიდი პირადი წვლილისთვის“.
ალან გაგლოევი დე ფაქტო სამხრეთ ოსეთის რესპუბლიკის პრეზიდენტად ერთი წლის წინ, 2022 წლის მაისში გამართული ე.წ. არჩევნების შედეგად აირჩიეს.
