«Դափիոնի» երիտասարդական շարժման հիմնադիր 19-ամյա Զվիադ Ցեցխլաձեի և ոստիկանության կողմից ձերբակալված ևս յոթ անձանց նկատմամբ որպես խափանման միջոց կիրառվել է կալանք։ Որոշումը կայացրել է Թբիլիսիի քաղաքային դատարանի դատավոր Իրակլի Խուսկիվաձեն։
Լրահոս
Ընթերցողի ընտրանի
- 1 Գուդաուրիի հնդկական ռեստորաններից մեկում հայտնաբերվել է 12 մարդու դի
- 2 Կոբախիձեի խոսքով՝ պետական ծառայողները և ուսուցիչները ընթերցանության ընկալման խնդիր ունեն
- 3 Խորհրդարանն այլևս գոյություն չունի, քանի որ մի կուսակցություն տապալեց սահմանադրությունը. Զուրաբիշվիլի
- 4 Եվրախորհրդարանը պահանջում է պատժամիջոցների ենթարկել «Երազանքի» առաջնորդներին և նոր ընտրություններ անցկացնել Վրաստանում
- 5 Նախագահի թեկնածու Միխեիլ Կավելաշվիլին բարձրագույն կրթություն չունի
- 6 Ցույցերի ժամանակ Թբիլիսիում է գտնվել Ռուսաստանի ոստիկանական արհմիությունների ասոցիացիայի ղեկավարը
Դատախազությունը Զվիադ Ցեցխլաձեին մեղադրում է խմբակային բռնություն կազմակերպելու և ղեկավարելու մեջ, որը պատժվում է ազատազրկմամբ՝ 6-ից 9 տարի ժամկետով։ Նույն մեղադրանքով ձերբակալվել են «Ուժեղ Վրաստան» կոալիցիայի անդամներ՝ 53-ամյա Վեփխիա Կասրաձեն և 50-ամյա Վասիլ Կաձելաշվիլին։
25-ամյա Թոռնիկե Գոշաձեն, 20-ամյա Նիկոլոզ Ջավախիշվիլին, 34-ամյա Ինսաֆ Ալիևը, 19-ամյա Իրակլի Միմինոշվիլին և 20-ամյա Գիորգի Գիորգաձեն մեղադրվում են խմբակային բռնություններին մասնակցելու մեջ։ Հանցագործությունը պատժվում է 4-ից 6 տարվա ազատազրկմամբ։
Ներքին գործերի նախարարության քրեական ոստիկանության կենտրոնական վարչությունը բոլոր ութ մեղադրյալներին բերման է ենթարկել դեկտեմբերի 4-5-ին։
Դատախազության տվյալներով՝ Ռուսթավելիի պողոտայում տեղի ունեցած ցույցի ժամանակ մեղադրյալները կազմակերպել և մասնակցել են խմբակային բռնություններին, ինչի հետևանքով բազմաթիվ մարդիկ տուժել են, վնասվել է ֆիզիկական և իրավաբանական անձանց գույքը, Թբիլիսիի քաղաքապետարանի ենթակառուցվածքները։
«Այն, ինչ կա մեղադրական եզրակացության մեջ, բացարձակապես շինծու է և այնպիսի շեշտադրումներ կան, որ կզարմանաք՝ «զինված հարձակում», «պայթյունների կազմակերպում»։ Այս տղան 19 տարեկան է, գուցե նույնիսկ Բեն Լադենը նախանձի նման մեղադրանքներին։ Սա իրավական գործընթաց չէ, սա քաղաքական գործընթաց է։ Ըստ այդմ, ինչպես ընթանա երկրում քաղաքական գործընթացները, այնպես էլ կավարտվի նրանց ազատազրկման կամ ազատման հարցը»,- լրագրողներին ասել է Զվիադ Ցեցխլաձեի հայրը՝ Զուրաբ Ցեցխլաձեն։
Ոստիկանությունը բերման է ենթարկել 16 մարդու՝ խմբակային բռնություն կազմակերպելու, ղեկավարելու կամ մասնակցելու և ընթացիկ բողոքի ակցիաների ընթացքում բռնի գործողությունների հրապարակայնորեն կոչ անելու համար։ Նրանց թվում են դերասան Անդրո Ճիճինաձեն և կատակերգու Օնիսե Ցխադաձեն։ Մնացած մեղադրյալների խափանման միջոցի հարցը դատարանը դեռ չի քննել։
