Թբիլիսիի քաղաքային դատարանի դատավոր Նինո Գալուստաշվիլին մեղավոր է ճանաչել ոստիկանի վրա հարձակման մեղադրանքով ձերբակալված 21-ամյա Մաթե Դավիձեին և նրան դատապարտել 4 տարի 6 ամսվա ազատազրկման։
Լրահոս
Ընթերցողի ընտրանի
- 1 ՆԱՏՕ-ի և Եվրամիության տեղեկատվական կենտրոնը լուծարվում է
- 2 Որևէ ոստիկան պատասխանատվության ենթարկվե՞լ է, նման դեպք չկա․ Իոսելիանի
- 3 Ընտրությունները նախ պետք է լինեն խորհրդարանական, ապա՝ տեղական, կամ համատեղ․ Զուրաբիշվիլի
- 4 «Վրացական երազանքը» թույլ է տալիս Ռուսաստանին մեծացնել ազդեցությունը երկրում. ԱՄՆ հետախուզություն
- 5 Սալոմե Զուրաբիշվիլին ճանապարհը փակելու համար տուգանվել է 5000 լարիով
- 6 Արդյո՞ք մեր շահերից է բխում աշխարհի այս հատվածում հակաամերիկյան կառավարության լինելը. Ռուբիոն` Վրաստանի մասին
«Դուք բոլորդ գիտեք, որ ես այստեղ եմ եկել միայն ձեզ տեսնելու համար, և այսօր, հավանաբար, վերջին օրն է, մենք կարող ենք երկար ժամանակ իրար չտեսնել։ Գիտեք, որ ես Թելավիից Թբիլիսի եմ եկել հանրահավաքների համար, քանի որ ուզում էի բողոքել Եվրամիության ուղուց շեղվելու դեմ։ Նոյեմբերի 19-ին՝ լուսաբացին, երբ համազգեստով մարդիկ սկսեցին Ճավճավաձեի պողոտայում գործել, այդ օրը ես մոտ երկու օր չէի քնել, շատ-շատ հոգնած էի և չէի կարողանում հասկանալ, թե ինչ է կատարվում։ Երբ նրանք սկսեցին ուժ կիրառել մեր նկատմամբ, ես փորձեցի փախչել և չկարողացա, դուք գիտեք, թե ինչ եղավ հետո։
Երբ այդքան շատ լրագրողների և հանրահավաքների մասնակիցների ծեծի համար պատասխանատուները չեն ենթարկվում արդարադատության, մեզ եք զոհում, որովհետև... նրանք քողարկված են արյունոտ իշխանությամբ և փողով, մենք դեմ առ դեմ ենք հայտնվել անարդարության հետ։ Ներեք ինձ, ընկերներ, ես պետք է լքեմ դահլիճը, որովհետև չեմ կարող լսել այս որոշումը։
Լույս փնտրելով անվերջ խավարում», - ասել է Մաթե Դևիձեն դատական նիստում՝ դատավոր Գալուստաշվիլիի կողմից դատավճիռը հրապարակելուց առաջ։
Մաթե Դևիձեն ձերբակալվել է 2024 թվականի նոյեմբերի 19-ին՝ Թբիլիսիում տեղի ունեցած հանրահավաքի ժամանակ, որի մասնակիցները բողոքում էին խորհրդարանական ընտրությունների արդյունքների դեմ։ Դատախազությունը նրան մեղադրել է երեք ոստիկանների (Լևան Կոդելաշվիլի, Գիորգի Էստեշվիլի, Բիձինա Ժամերաշվիլի) մահակով հարվածելու մեջ։ Մաթե Դևիձեին մեղադրանք է առաջադրվել Քրեական օրենսգրքի 353-րդ հոդվածի 1-ին մասով, որը վերաբերում է ոստիկանի վրա հարձակմանը և նախատեսում է 4-ից 7 տարի ազատազրկում։
«Մաթե Դևիձեն ընդհանրապես ձեռքին փայտ չի ունեցել, նա ուներ ծալված պաստառ՝ ինչ-որ գրությամբ։ Ոչ ոք չի կարող հակառակը հաստատել։ Տեսանյութում հարձակման որևէ փաստ չի երևում, ինչպես նաև հնարավոր չէ նույնականացնել Բիձինա Ժամերաշվիլիին կամ Գիորգի Էստատիշվիլիին։ Միակ բանը, որը հստակ երևում է, ոստիկանների մեծ թիվն է, նրանց ագրեսիվ գործողությունները և ձերբակալման փաստերը, որտեղ հստակ երևում է Մաթե Դևիձեի ձերբակալման փաստը, թե ինչպես է նրա ձեռքը բռնված կոկորդից, և մի քանի ոստիկաններ ուժով քարշ են տալիս նրան։ Արդյո՞ք այսպես կոչված տուժողները որևէ վնասվածք են ստացել Մաթե Դևիձեից այս բողոքի ակցիայի ժամանակ։ Տեսանյութի ոչ մի մաս ցույց չի տալիս, որ Մաթե Դևիձեն որևէ մեկի վրա հարձակվում է», - ասել է Մաթե Դևիձեի փաստաբան Նատո Մամուլաշվիլին։
Նինո Գալուստաշվիլին Թբիլիսիի քաղաքային դատարանի քրեական գործերի կոլեգիայի դատավոր է նշանակվել 2024 թվականի դեկտեմբերին։ Նա 2023 թվականին է հանձնել քրեական արդարադատության դատավորի որակավորման քննությունը։
