Թբիլիսիի քաղաքային դատարանի դատավոր Քեթևան Ջաճվաձեն ընդունել է դատախազության միջնորդությունը և նախնական կալանքի տակ է թողել բոլոր 11 անձանց, որոնք ձերբակալվել էին եվրոպամետ ցույցերի ժամանակ խմբակային բռնությունների մասնակցելու մեղադրանքով։ Այսօրվա գործընթացը տևել է մոտ 8 ժամ, որոշման հրապարակմանը հաջորդել է դժգոհություն դահլիճում։
Լրահոս
Ընթերցողի ընտրանի
- 1 Գուդաուրիի հնդկական ռեստորաններից մեկում հայտնաբերվել է 12 մարդու դի
- 2 Լարված իրավիճակ է Բոլնիսիում, որտեղ ավտովթարից երկու անչափահաս է զոհվել
- 3 ԱՄՆ-ը պատժամիջոցներ կկիրառի և կվտարի հանցագործների (Իվանիշվիլի և ընկերություն) հարազատներին․ Ուիլսոն
- 4 Թող գա Իվանիշվիլին... նոր ընտրությունների օրը պետք է համաձայնեցվի մինչև դեկտեմբերի 29-ը. նախագահի կոչը
- 5 Ցույցերի ժամանակ Թբիլիսիում է գտնվել Ռուսաստանի ոստիկանական արհմիությունների ասոցիացիայի ղեկավարը
- 6 Զատուլինը գովաբանում է «Վրացական երազանքի» կառավարությանը «պրագմատիզմի» համար
Դերասան Անդրո Ճիճինաձեն և կատակերգու Օնիսե Ցխադաձեն, ինչպես նաև Ռեզո Կիկնաձեն, Գուրամ Միրցխուլավան, Լուկա Ջաբուան, Ջանո Արչաիան, Ռուսլան Սիվակովը, Վալերի Թեթրաշվիլին, Գիորգի Տերիշվիլին, Իրակլի Քերաշվիլին և Սերգեյ Կուխարչուկը կշարունակեն մնալ բանտում։
Դատավոր Ջաճվաձեն հաշվի է առել դատախազության մեկ այլ միջնորդություն և հունվարի 16-ին նշանակված նախաքննական նիստը հետաձգել է մինչև մարտի 5-ը։
Դատախազությունը բոլոր 11 ձերբակալվածներին մեղադրում է Քրեական օրենսգրքի 225-րդ հոդվածի երկրորդ մասով նախատեսված հանցագործություն կատարելու մեջ, որը ենթադրում է խմբակային բռնությանը մասնակցություն։ Եթե մեղավոր ճանաչվեն, նրանց սպառնում է 4-ից 6 տարվա ազատազրկում։
Վաղը դատարանը կքննի ևս ութ կալանավորների՝ Նիկոլոզ Ջավախիշվիլիի, Թոռնիկե Գոշաձեի, Իրակլի Միմինոշվիլիի, Զվիադ Ցեցխլաձեի, Վեփխվիա Կասրաձեի, Վասիլ Կաձելաշվիլիի, Գիորգի Գորգաձեի և Ինսաֆ Ալիևի նկատմամբ կիրառված կալանքը փոխելու հարցը։
Այս թեմայով՝
