Վրաստանի գլխավոր դատախազությունը հայտնում է, որ «Նանուկայի հիմնադրամի», «Փրոսփերիթիի», «Հիմնադրամ միմյանց համար 24/7-ի», «Ամոթ է»-ի, «Թբիլիսիի մարդու իրավունքների տան» բանկային հաշիվների ու դրանց վրա եղած դրամական միջոցների նկատմամբ արգելանք է կիրառվել՝ այսպես կոչված, սաբոտաժի գործով ընթացող հետաքննության շրջանակներում: Այս հիմնադրամները օգնում էին եվրոպամետ ցույցերի ժամանակ տուգանվածներին, ձերբակալվածներին և բանտարկյալների ընտանիքի անդամներին:
Լրահոս
Ընթերցողի ընտրանի
- 1 Թրամփի խոսքով՝ հանածոների վերաբերյալ համաձայնագիր ստորագրելու համար փետրվարի 28-ին կհանդիպի Զելենսկիի հետ
- 2 Իռլանդիայից արտաքսվել է Վրաստանի 32 քաղաքացի
- 3 Մեծ Բրիտանիայում Ուկրաինայի դեսպան Վալերի Զալուժնին ասել է, որ ԱՄՆ-ը «քանդում է» աշխարհակարգը
- 4 Հանրակրթական դպրոցներում առաջին դասարանցիների գրանցումը կսկսվի մարտի 10-ից
- 5 Այսպես կոչված բաճկոնների գործով Միխեիլ Սաակաշվիլին դատապարտվել է 9 տարվա ազատազրկման
- 6 «Բիթքոյնի գործով» Բաչիաշվիլիի նկատմամբ կիրառված գրավը դատարանը փոխարինել է կալանքով
Բանկային հաշիվների նկատմամբ արգելանք կիրառելու մասին տեղեկությունը սկզբում տարածել էր լրագրող Նանուկա Ժորժոլիանին։ Նրա հիմնադրած «Նանուկա» հիմնադրամը ոչ միայն միջոցներ է հավաքում բանտարկյալների և նրանց ընտանիքների համար, այլև տարիներ շարունակ օգնում է առողջական խնդիրներ ունեցող երեխաներին, իսկ մի քանի շաբաթ առաջ հարյուր հազարավոր լարի մոբիլիզացրել է ձյան առատ տեղումներից և հրդեհներից տուժած Գուրիայի բնակիչներին օգնելու համար:
«Այս հիմնադրամն իսկապես անհույս ու հուսահատ մարդկանց, այդ թվում՝ «Վրացական երազանքի» ընտրողների ֆոնդն էր։ Գուրիայում մեզանից օգնություն խնդրած մարդկանց չենք հարցրել, թե ում օգտին են քվեարկել։ «Նանուկա» հիմնադրամն օգնեց բոլորին։
Իմ հիմնադրամը, թերևս նրանց համար ամենանյարդայնացնողը, բանտարկյալներին և նրանց ընտանիքի անդամներին օգնելն էր, բայց մենք դեռ լուծում կգտնենք այստեղ, մենք դեռ կհամաձայնվենք նրանց հետ», - ասել է Նանուկա Ժորժոլիանին:
Դատախազության հայտարարությունը
Դատախազության հաղորդագրության համաձայն՝ հետաքննությունը տարվում է սաբոտաժի, ծանրացուցիչ հանգամանքներում դիվերսիայի փորձի, թշնամական գործողություններում օտարերկրյա կազմակերպությանը կամ օտարերկրյա վերահսկողության տակ գտնվող կազմակերպությանը օժանդակելու, Վրաստանի սահմանադրական կարգի և ազգային անվտանգության հիմքերի դեմ ուղղված գործողությունների համար միջոցների մոբիլիզացման փաստերով։
«Քննությունը պարզել է, որ 2024 թվականի նոյեմբերի 28-ից մինչ օրս Վրաստանի խորհրդարանի դիմաց և երկրի տարբեր վայրերում բողոքի ցույցերի մի մասը, այսպես կոչված «երթերը» և այլ միջոցառումներ կարճ ժամանակում բռնի ընթացք են ստացել և անցել օրենքով սահմանված սահմանները։ Դա դրսևորվել է խորհրդարանի շենքին և այլ մասնավոր սեփականությանը հասցված վնասով, մարդու կյանքի և առողջության համար վտանգավոր առարկաների կամ նյութերի կիրառմամբ, ոստիկանների վրա հարձակումներով և բռնի դիմադրության և այլ ոչ խաղաղ գործողություններով։ Տեղի է ունեցել հանցավոր խմբերի կողմից բռնության կազմակերպում և մասնակցություն, որն ուղեկցվել է բռնությամբ, թալանով, այլոց ունեցվածքի վնասմամբ կամ ոչնչացմամբ, տարբեր առարկաների՝ որպես զենքի կիրառմամբ՝ հատուկ պատրաստված պիրոտեխնիկական միջոցներով, դյուրավառ և հրկիզվող նյութերով, այսպես կոչված «Մոլոտովի կոկտեյլների» կիրառմամբ ոստիկանների նկատմամբ։
Հետաքննությունը նաև պարզել է, որ բռնի խմբերին սիստեմատիկորեն մատակարարվել են, այսպես կոչված, շնչառական սարքերով, «հատուկ հակագազերով», սաղավարտներով և այլ միջոցներով՝ ոստիկանական հատուկ միջոցառումների ժամանակ իրավապահների վրա դաժան հարձակումներ իրականացնելու համար։
Վերոհիշյալ բռնի գործողությունների հետևանքով տուժել է 55 անձ, որոնց մեծ մասը իրավապահներ են։ Բացի այդ, հրդեհից տուժել են վարչական շենքեր, վնասվել են հատուկ մեքենաներ։
Վերոնշյալ ապօրինությունների իրականացմանը զուգահեռ հանրային տարածքներում տարածվել է տեղեկատվություն, ըստ որի ֆիզիկական և իրավաբանական անձինք մոբիլիզացնում են դրամական միջոցներ, որոնց մի զգալի մասն ուղղվում է անօրինական գործունեությանը մասնակցող անձանց կարիքները հոգալու համար։
Ելնելով վերոգրյալից՝ ընթացող հետաքննության շրջանակներում մանրամասն ուսումնասիրվել է այն իրավաբանական և ֆիզիկական անձանց բանկային գործառնությունները, որոնց նկատմամբ հիմնավոր կասկած կա, որ նրանք նյութական աջակցություն են ցուցաբերում ընթացող բողոքի ակցիաների հետ կապված տարբեր անօրինական և որոշ դեպքերում հանցավոր գործողությունների։
Քննությամբ պարզվել է, որ շատ դեպքերում անօրինական և հանցավոր գործունեության կազմակերպման համար ֆինանսական միջոցների հավաքագրումն ու տրամադրումը իրականացվում է այսպես կոչված «ֆոնդերի» միջոցով։ Հատկանշական է, որ նշված կազմակերպությունները միջոցներն ուղղակիորեն ուղղորդում են անօրինական գործողություններ ֆինանսավորելու համար, կոչ են անում հանրությանը անհնազանդության և այլ անօրինական գործողություններ կատարել։ Հատուկ հիմնադրամների կազմակերպչական և ֆինանսական գործունեությունն ուղղված է իրավախախտներին և նրանց ընտանիքի անդամներին նյութական օգնություն ցուցաբերելուն: Օրինախախտների օգտին տույժեր են վճարվում, լուծվում են անձնական կամ կազմակերպչական այլ հարցեր»,- նշում են դատախազությունից։
Դատախազությունը թվարկել է հետևյալ հիմնադրամները, որոնք «նյութական աջակցություն են ցուցաբերում օրինախախտներին».
- «Նանուկայի հիմնադրամ»,
- «Փրոսփերիթի»,
- «Հիմնադրամ միմյանց համար 24/7»,
- «Ամոթ է»,
- «Թբիլիսիի մարդու իրավունքների տուն»։
«Նշված իրավաբանական անձանց բանկային հաշիվները, որոնք օգտագործվում են ապօրինի գործունեությունը ֆինանսավորելու համար, բացվել են վերջերս և 2024 թվականի դեկտեմբերից մինչ օրս նրանք ծախսել են ավելի քան 2 000 000 լարի։
Կարևոր է, որ այսպես կոչված «ֆոնդերը» ստացված ֆինանսական միջոցների հիմնական մասը ուղղել են անօրինական և հանցավոր արարքներ կատարող անձանց խրախուսելուն, ինչպես նաև այդ հանցագործությունների կատարման համար անհրաժեշտ գույքն ու միջոցները ձեռք բերելուն։ Մասնավորապես, նշված «ֆոնդերից» միջոցներ են ստացվել/հատկացվել, այդ թվում՝ գործարքի ընթացքում ուղղակիորեն նշված հետևյալ նպատակների համար՝ «ակցիայի համար անհրաժեշտ սարքավորումների համար», «պայքարի համար անհրաժեշտ», «ակցիայի համար գույքի գնում», «պիրոտեխնիկայի գնում», «հակագազերի գնում առաջնագծի երեխաների համար»:
Ինչպես պարզել է հետաքննությունը, «առաջնագծի երեխաների համար հակագազեր գնելու» համար նախատեսված մեծ քանակությամբ միջոցները նախատեսված են եղել իրավապահների վրա հարձակում գործած բռնի խմբերի ֆինանսավորման համար։ Նրանք եղել են «առաջին գծում» և բռնի գործողություններ են իրականացրել, ինչի արդյունքում, ինչպես արդեն նշվել է, տասնյակ իրավապահներ, ինչպես նաև ցուցարարներ տարբեր ծանրության վնասվածքներ են ստացել։
Հաշվի առնելով այն հանգամանքները, որ այսպես կոչված, «ֆոնդերում» հավաքագրված միջոցների հիմնական մասը օգտագործում են խմբակային բռնության կազմակերպման և մասնակցության մեջ մեղադրվող անձանց և նրանց ընտանիքի անդամներին ֆինանսական աջակցություն ցուցաբերելու համար և այդպիսով, ի լրումն բռնի գործողությունների ֆինանսավորման, խթաններ են ստեղծում ֆիզիկական անձանց համար՝ նյութական օգուտներ ստանալու նպատակով անօրինական գործունեություն ծավալելու համար դատարանի որոշման հիման վրա Վրաստանի դատախազությունը 2025 թվականի մարտի 17-ին արգելանք է կիրառել Վրաստանի բոլոր բանկային հաստատություններում պահվող բանկային հաշիվների վրա։ Գործով հետաքննությունը շարունակվում է»,- ասված է դատախազության հաղորդագրությունում։
Հատկանշական է, որ Դատախազությունը սաբոտաժի գործով հետաքննություն է սկսել փետրվարին՝ «Վրացական երազանքի» հետ դաշնակից «Միասնական չեզոք Վրաստան» կազմակերպության դիմումի հիման վրա։
