Դատախազությունը ձերբակալել է նոտարներ Նունու Գինտուրիին, Զաալ Բատուաշվիլիին և նոտարի օգնականին՝ իրենց պաշտոնեական դիրքն օգտագործելով խոշոր չափի գումար հափշտակելուն օգնելու փաստով։
Լրահոս
Ընթերցողի ընտրանի
- 1 Գուդաուրիի հնդկական ռեստորաններից մեկում հայտնաբերվել է 12 մարդու դի
- 2 Կոբախիձեի խոսքով՝ պետական ծառայողները և ուսուցիչները ընթերցանության ընկալման խնդիր ունեն
- 3 Ցույցերի ժամանակ Թբիլիսիում է գտնվել Ռուսաստանի ոստիկանական արհմիությունների ասոցիացիայի ղեկավարը
- 4 Թող գա Իվանիշվիլին... նոր ընտրությունների օրը պետք է համաձայնեցվի մինչև դեկտեմբերի 29-ը. նախագահի կոչը
- 5 «Մենք գիտենք, թե դա ինչ է». Ալիևը՝ Վրաստանում ոչ կառավարական կազմակերպությունների ֆինանսավորման մասին
- 6 Իվանիշվիլին պետք է որոշում կայացնի և նշանակվեն նոր ընտրություններ․ նախագահ
«Հետաքննությամբ պարզվել է, որ երկու նոտար և նոտարի օգնականը աջակցել են կազմակերպված հանցավոր խմբի անդամներին, ովքեր տուժողներին ներկայացել են որպես միջնորդներ և առաջարկել բնակարաններ գրավադրել՝ խաբեությամբ ձեռք բերելու բնակարանների գրավադրմամբ հետաքրքրվող անձանց պատկանող խոշոր գումար։ Նրանք նրանց ներկայացրել են որպես բնակարանի տերեր, իսկ նույն հանցավոր խմբի անդամներին՝ պայմանագրի կողմ, իսկ վստահություն ձեռք բերելու համար ամբաստանյալների հետ կնքված պայմանագրերը վավերացրել են նոտարական կարգով։
Հանցավոր խմբի անդամներին օգնելու նպատակով նոտարները և նոտարի օգնականը տուժողներին նոտարական գործողություն կատարելիս չեն բացատրել նոտարական գործողության բովանդակությունը և իրավական հետևանքները։ Փոխառության, հիփոթեքի և բնակարանի օգտագործման պայմանագրի փոխարեն ամբաստանյալները խաբեությամբ 94 տուժողի համար ստորագրել են փոխառության պայմանագրեր, որով կկարգավորվեր բնակարանը տուժողների սեփականությանը փոխանցելու հարցը՝ գումարը չվերադարձնելու դեպքում։ Յուրաքանչյուր պայմանագիր կնքելու դիմաց նոտարները հանցավոր խմբի անդամներից ստացել են որոշակի գումար։
Կազմակերպված հանցավոր խմբի անդամները նոտարների օգնությամբ խաբեությամբ տիրացել են 94 տուժողներին պատկանող առանձնապես խոշոր չափերով 2 686 700 լարի գումարի»,- ասված է դատախազության հաղորդագրությունում։
Ձերբակալվածներին մեղադրանք է առաջադրվելու այն բանի համար, որ նրանք օգնել են կազմակերպված խմբին մեծ քանակությամբ խարդախություններ կատարել՝ օգտագործելով իրենց պաշտոնական կարգավիճակը, ինչը ենթադրում է յոթից տասը տարվա ազատազրկում։
Դատախազությունը միջնորդում է ամբաստանյալների նկատմամբ որպես խափանման միջոց կիրառել կալանքը։
Ինչ վերաբերում է կազմակերպված հանցավոր խմբի անդամներին, ապա նրանց մեղադրանք է առաջադրվել այլ քրեական գործերով, և նախաքննությունը շարունակվում է։
