Դատախազությունը «Բաթումելեբի» և «Նեթգազեթի» լրատվամիջոցների հիմնադիր և տնօրեն Մզիա Ամաղլոբելիին մեղադրանք է առաջադրել Քրեական օրենսգրքի 353-րդ հոդվածի առաջին մասով, որը պատժվում է ազատազրկմամբ՝ չորսից յոթ տարի ժամկետով։ Նա մեղադրվում է Բաթումիի ոստիկանապետ Իրակլի Ջեբուաձեի վրա հարձակվելու մեջ։
Լրահոս
Ընթերցողի ընտրանի
- 1 Ես կանեմ ամեն ինչ, որպեսզի Իվանիշվիլին կորցնի ամենաթանկը՝ փողն ու իշխանությունը. Գախարիա
- 2 Թբիլիսիի քաղաքապետարանը խուսափում է 16-ամյա տղայի մահվան դեպքի համար պատասխանատվությունից
- 3 Արդյո՞ք Վրաստանում թայլանդացի կանանցից բռնի կերպով ձվաբջիջներ են ձեռք բերում
- 4 Պատժամիջոցների ենթարկվելուց հետո Իվանիշվիլին օֆշորներից արդեն 12 ընկերություն է տեղափոխել Վրաստան․ TI
- 5 Ոստիկանները մտել են քաղաքացիական ակտիվիստների տներ, ձերբակալվել է Իսակո Դևիձեն
- 6 Լարին դոլարի նկատմամբ արժեզրկվել է 2 թեթրիով, եվրոյի նկատմամբ՝ 4 թեթրիով
Խափանման միջոցի հարցով դատաքննությունը պետք է անցկացվի առաջիկա 24 ժամվա ընթացքում։ Փաստաբանների խոսքով՝ Մզիա Ամաղլոբելին այս փուլում օգտվում է լռելու իրավունքից։ Նրա գործով դատախազը Թոռնիկե Գոգեշվիլին է։ Նա ներկա չի գտնվել մեղադրական եզրակացության ներկայացմանը։
Հունվարի 11-ի գիշերը Մզիա Ամաղլոբելին երկու անգամ ձերբակալվել է Աջարիայի ոստիկանության գլխավոր վարչության մոտ։ Առաջին անգամ նրան ձերբակալել է Աջարիայի ոստիկանության պետ Գրիգոլ Բեսելիան՝ բաժանմունքի շենքի պատին «Վրաստանը գործադուլ է անում հունվարի 15-ին, ժամը 15։00-ին» մակագրությամբ պաստառ փակցնելու համար։ Մինչ այդ նույն պատրվակով ձերբակալվել էին բաժանմունքի դիմաց ընթացող ակցիայի մյուս մասնակիցները։ Ամաղլոբելին և երեք այլ կին ակտիվիստներ մոտ երկու ժամից ազատ են արձակվել՝ իրենց ստորագրությունների հիման վրա։
Մզիա Ամաղլոբելին մնացել է ցուցարարների հետ: Ըստ «Բաթումելեբիի», ոստիկանությունն առանց պատճառի ձերբակալել է նախ հանրահավաքի մեկ, ապա երկրորդ մասնակցին։ Երկու ձերբակալվածներն էլ Ամաղլոբելիի հարազատներն են եղել։ Ոստիկանների սադրիչ գործողությունների պատճառով բախում է տեղի ունեցել հանրահավաքի մասնակիցների և ոստիկանների միջև։ Լարվածության ժամանակ Մզիա Ամաղլոբելին կրկին ձերբակալվել է, այս անգամ քրեական կարգով։
Անկախ լրատվամիջոցների, մասնագիտական և լրատվամիջոցների իրավունքների պաշտպան կազմակերպությունների գնահատմամբ՝ Մզիա Ամաղլոբելիի ձերբակալությունը «նախապես ծրագրված հանցավոր սադրանք» է, իսկ «Վրացական երազանքի» քարոզչական լրատվամիջոցների կողմից տարածված ձերբակալության տեսագրությունը՝ կիսատ, այն մշակվել է և չի արտացոլում տեղում կատարված կարևոր իրադարձությունների մի մասը։
Այսօր՝ հունվարի 13-ին, ժամը 19:00-ին ԶԼՄ-ների ներկայացուցիչները ակցիա են կազմակերպելու Բաթումիի մեկուսարանի դիմաց և պահանջելու են անհապաղ ազատ արձակել Մզիա Ամաղլոբելիին։
