Դեկտեմբերի 11-ից 13-ը ներառյալ Մոսկվայում «Վրացական մշակույթի օրեր» կանցկացվեն: Միջոցառումը կազմակերպում է «Դաշնային վրացական ազգային-մշակութային ինքնավարություն Ռուսաստանում» կազմակերպությունը, որը ղեկավարում է Դավիթ Ցեցխլաձեն։
Լրահոս
Ընթերցողի ընտրանի
- 1 Ես կտրականապես դեմ էի առանց վիզայի ռեժիմի կասեցմանը, բայց փոխեցի իմ դիրքորոշումը․ Ռոթ
- 2 Մառնեուլիի սակրեբուլոյի փոխնախագահը մի քանի քվեաթերթիկ է լցրել արկղի մեջ, ընտրատեղամասը փակվել է
- 3 ԿԸՀ-ի նախնական արդյունքներով՝ ընտրություններում 53%-ով առաջատարը «Վրացական երազանքն» է
- 4 «Ֆորմուլայի» և «Մթավարիի» էքզիթ փոլերով ընտրություններում հաղթում է ընդդիմությունը, ըստ «Իմեդիի»՝ «Երազանքը»
- 5 Նախագահը չի ճանաչում ընտրությունների արդյունքները. հոկտեմբերի 28-ին Ռուսթավելիում հավաք է նախատեսվում
- 6 Ժամը 17:00-ի դրությամբ ընտրողների մասնակցությունը 50,06 տոկոս է
«Վրացական մշակույթի օրերի» շրջանակներում նախատեսվում է վրացական սփյուռքի ֆորում՝ «Արդյունքներ 2022», ներգաղթի և տրանսպորտի հարցերի վերաբերյալ համաժողով, վրացական սփյուռքի ասոցիացիաների ղեկավարների հանդիպում, միջազգային կլոր սեղան և այլն։ Բացի այդ, կանցկացվեն մշակութային միջոցառումներ, ցուցահանդեսներ, վրացական խոհարարության վարպետության դասեր, դասախոսություններ։
«Վրացական մշակույթի օրերի» տոնակատարությունը կավարտվի «գրանդիոզ» համերգով։ «Մենք միասին ենք» խորագրով համերգը կանցկացվի «Կոսմոս» մեծ համերգասրահում, որին, ինչպես կազմակերպիչներն են ասում, կմասնակցեն վրացական ծագումով մոսկովյան արտիստներ և խորեոգրաֆիկ կոլեկտիվներ։
«Միջոցառումներին կմասնակցեն բոլոր դաշնային ազգային-մշակութային ինքնավարությունների և իշխանությունների ներկայացուցիչները»,- ասվում է կազմակերպության՝ kartvelebi.ru կայքում տեղադրված, հայտարարության մեջ։ Նախատեսվում է դեկտեմբերի 1-ից մանրամասն տեղեկատվություն հրապարակել մշակույթի օրերի միջոցառումների մասին։
«Դաշնային վրացական ազգային-մշակութային ինքնավարությունը Ռուսաստանում» կազմակերպությունը ստեղծվել է 2016 թվականին և գործում է 1996 թվականին ընդունված «Ազգային-մշակութային ինքնավարության մասին» դաշնային օրենքի հիման վրա։ 2021 թվականի մարտին կազմակերպության նախագահ է ընտրվել Դավիթ Ցեցխլաձեն, ով Բաթումիից է։ Այս տարվա նոյեմբերի 14-ին Ցեցխլաձեն դիմել էր Ռուսաստանի նախագահ Վլադիմիր Պուտինին՝ Վրաստանի քաղաքացիների համար առանց վիզայի ռեժիմ սահմանելու խնդրանքով։
