Թբիլիսիի Դիդի Դիղոմի թաղամասում մարտի 16-ի երեկոյան տնից զբոսանքի դուրս եկած 12-ամյա աղջկան մահացած են գտել։ Ընտանիքի անդամներն ու իրավապահները մի քանի ժամ փնտրել են երեխային։ Ներքին գործերի նախարարությունը հետաքննություն է սկսել Քրեական օրենսգրքի 109-րդ՝ ծանրացուցիչ հանգամանքներում կանխամտածված սպանության հոդվածով։
Լրահոս
Ընթերցողի ընտրանի
- 1 ՌԴ արտաքին հետախուզությունը հայտնում է, որ ԱՄՆ-ը «գունավոր հեղափոխություն» է նախապատրաստում Վրաստանում
- 2 «Վրացական երազանքը» դադարել է երազանք լինելուց, այն դարձել է մղձավանջ. նախագահ
- 3 Թբիլիսիում երկաթուղային վթարի հետևանքով զոհվել է «Վրացական երկաթուղու» 2 աշխատակից
- 4 Ես պատրաստ եմ ստանձնել մեծ պատասխանատվություն, ներառյալ երկրորդ ժամկետով. Զուրաբիշվիլի
- 5 «Մենք ուժ կգտնենք մեր մեջ, որպեսզի ներողություն խնդրենք». Իվանիշվիլին՝ 2008 թվականի պատերազմի մասին
- 6 Դեդոփլիծղարոյում արհեստական լճում ինքնազգացողությունը վատացած 16-ամյա դեռահասը մնում է կլինիկայում
Անչափահաս աղջկան վերջին անգամ տեսել են Պետրիծի փողոցին հարակից պուրակում: Մի քանի ժամ անց նրան ավելի հեռու գտել են անգիտակից վիճակում։ Դեպքի վայր է ժամանել շտապօգնության մեքենան, սակայն աղջկան փրկել չի հաջողվել։ Ըստ ականատեսների՝ երեխան վնասվածք է ունեցել կոկորդի շրջանում։ Մահվան ստույգ պատճառը պարզելու համար դին տեղափոխվել է փորձաքննության:
Վերջին մեկ շաբաթվա ընթացքում սա վտանգավոր միջավայրում երեխայի մահվան երկրորդ դեպքն է։ Մարտի 12-ին ուժեղ քամու պատճառով, Բաթումիում այսպես կոչված բատուտի շրջվելու հետևանքով վիրավորվել են կառույցի վրա գտնվող երկու մանկահասակ եղբայրներ։ Ստացած վնասվածքների հետևանքով 8-ամյա երեխան մահացել է։
Աջարիայի ոստիկանության բաժանմունքի աշխատակիցները ձերբակալել են բատուտի սեփականատեր 65-ամյա Էդուարդ Աբրամյանին։ Դատախազությունը մեղադրանք է առաջադրել այսպես կոչված բատուտի անվտանգության և շահագործման կանոնների խախտման համար։ Նախաքննությունը կատարվում է Քրեական օրենսգրքի 240 հոդվածի երկրորդ մասով։ Բաթումիի քաղաքային դատարանը Աբրամյանի նկատմամբ որպես խափանման միջոց կիրառել է կալանքը։
