Դիմակավորված անձանց կողմից առևանգված «Պիրվելի» հեռուստաընկերության օպերատոր Լաշա Ջիոշվիլին գտնվում է Զահեսի ժամանակավոր մեկուսարանում։ Այս տեղեկությունը հրապարակել է փաստաբան Թոռնիկե Միգինեիշվիլին։ Ջիոշվիլիի գտնվելու վայրն անհայտ էր մոտ երեք ժամ։
Լրահոս
Ընթերցողի ընտրանի
- 1 Ես կանեմ ամեն ինչ, որպեսզի Իվանիշվիլին կորցնի ամենաթանկը՝ փողն ու իշխանությունը. Գախարիա
- 2 Թբիլիսիի քաղաքապետարանը խուսափում է 16-ամյա տղայի մահվան դեպքի համար պատասխանատվությունից
- 3 Արդյո՞ք Վրաստանում թայլանդացի կանանցից բռնի կերպով ձվաբջիջներ են ձեռք բերում
- 4 Պատժամիջոցների ենթարկվելուց հետո Իվանիշվիլին օֆշորներից արդեն 12 ընկերություն է տեղափոխել Վրաստան․ TI
- 5 Ոստիկանները մտել են քաղաքացիական ակտիվիստների տներ, ձերբակալվել է Իսակո Դևիձեն
- 6 Լարին դոլարի նկատմամբ արժեզրկվել է 2 թեթրիով, եվրոյի նկատմամբ՝ 4 թեթրիով
Ինչպես պարզաբանել են ՆԳՆ-ից, Լաշա Ջիոշվիլին ձերբակալվել է Վարչական իրավախախտումների վերաբերյալ օրենսգրքի 173-րդ հոդվածով, որը վերաբերում է ոստիկանի պահանջին չենթարկվելուն։
Լաշա Ջիոշվիլիին Էլբակիձեի փողոցում ձերբակալել են փետրվարի 18-ին, մոտավորապես ժամը 23:55-ին։ «Պիրվելի» հեռուստաընկերության լրատվական ծառայության ղեկավար Նոդար Մելաձեի խոսքով՝ նա այդ պահին տուն էր վերադառնում հանրահավաքից։
Ականատեսների կողմից նկարահանված տեսանյութում երևում է, թե ինչպես են քաղաքացիական հագուստով դիմակավորված անձինք Լաշա Ջիոշվիլիին ստիպողաբար մեքենա նստեցնում։
Ականատեսներից մեկը՝ Քեթի Ծուլուկիձեն, «Պիրվելիին» տված հարցազրույցում պատմել է, որ բողոքի ակցիայից տուն գալուց հետո տեսել են դրոշով մի տղայի, որը վազում է, և առնվազն 10 մարդ հետապնդում է նրան։
«Դրոշով հասկացանք, որ մերոնցից ինչ-որ մեկին հետապնդում են, կանգնեցրինք մեքենան և սկսեցինք նկարահանել։ Սկզբում մեզ չէին պատասխանում, նրանցից ոչ ոք ոստիկանական համազգեստով չէր, բայց երբ տեսան, թե ինչպես ենք նկարահանում, դիմակներ դրեցին, մեկին նկարել են, ով ասում է, որ ոստիկան են։ Այս տղային նստեցրել են մեքենա, տարել են»,- պատմում է ականատեսը։
Մեկ այլ ականատեսի՝ Թակո Խելաձեի տեսագրած տեսանյութում լսվում է, թե ինչպես է Լաշա Ջիոշվիլին ասում. «Նրանք ինչ-որ բան են դնում գրպանս»։
Օպերատորի ձերբակալության պատճառն հավանաբար եղել է փետրվարի 18-ի հանրահավաքում օգտագործած նրա պաստառը գրությամբ՝ «Այսօր բոլորս համակարծիք ենք պահպանակների կարևորության հետ»։ Առևանգման տեսանյութում նույնպես նա պաստառի մասին է խոսում։
Շարունակական բողոքի 83-րդ օրը քաղաքացիները հավաքվել էին Ռուսթավելիի պողոտայում՝ նշելու «Վրացական երազանքի» հիմնադիր Բիձինա Իվանիշվիլիի ծննդյան տարեդարձը և կազմակերպել տարբեր ներկայացումներ։
