Դիտո Կորինթելին և Գիորգի Մելաձեն ազատ են արձակվել Ցխինվալիի բանտից

30-ամյա Դիտո Կորինթելին և 36-ամյա Գիորգի Մելաձեն առևանգվել են 2023 թվականի նոյեմբերի 24-ին Գորիի մունիցիպալիտետի Աձվի գյուղում գտնվող եկեղեցուց, որը գտնվում է օկուպացիայի գծից դուրս։ Նրանց Ցխինվալիի շրջանային դատարանը մեղավոր է ճանաչել այսպես կոչված Հարավային Օսիայի պետական ​​սահմանն ապօրինի հատելու համար և դատապարտել վեց ամսվա ազատազրկման։ Ըստ Հարավային Օսիայի դե ֆակտո Պետական ​​անվտանգության կոմիտեի՝ մարտի 14-ին Դիտո Կորինթելին և Գիորի Մելաձեն «սահմանված կարգով հանձնվել են Վրաստանի իշխանություններին»։

Վրաստանի պետական ​​անվտանգության ծառայությունը հայտարարել է, որ ինչպես «թեժ գծի» մեխանիզմը, այնպես էլ կենտրոնական իշխանության տրամադրության տակ գտնվող բոլոր գործիքներն ակտիվորեն օգտագործվում են ապօրինի ձերբակալված քաղաքացիներին անհապաղ ազատ արձակելու համար։

«Խնդիրը սուր կերպով բարձրացվել է Ժնևի միջազգային քննարկումների և միջադեպերի կանխման ու արձագանքման մեխանիզմների ձևաչափերի շրջանակներում։ Կենտրոնական կառավարությունը, միջազգային գործընկերների հետ միասին, կշարունակի ակտիվորեն աշխատել օկուպացված տարածքներում անօրինական բանտարկված Վրաստանի բոլոր քաղաքացիներին ազատ արձակելու ուղղությամբ»,- ասվում է ՊԱԾ-ի հայտարարությունում։

Ցխինվալիի բանտում անօրինական կալանքի տակ են մնում Վրաստանի 6 քաղաքացիներ։