Նախագահ Սալոմե Զուրաբիշվիլին խորհրդարանի դիմաց ընթացող բողոքի ցույցին զուգահեռ գնացել է Ազատության հրապարակում տեղակայված հատուկ նշանակության ջոկատի մոտ։ Նա հատուկ ջոկատայիններին ասել է, որ նրանց պարտականությունը Վրաստանի պետականությունն ու քաղաքացիներին պաշտպանելն է, ոչ թե ժողովրդին ոչնչացնելը։
Լրահոս
Ընթերցողի ընտրանի
- 1 Ես կտրականապես դեմ էի առանց վիզայի ռեժիմի կասեցմանը, բայց փոխեցի իմ դիրքորոշումը․ Ռոթ
- 2 Եվրահանձնաժողովի գնահատմամբ՝ Վրաստանը չի կատարել անցյալ տարվա հանձնարարականները
- 3 Գախարիայի կուսակցությունից հայտնել են, որ ԿԸՀ-ում առկա ընտրակեղծիքների ապացույցները վտանգի տակ են
- 4 Բայդենի հայտարարությունից պարզ է դառնում, որ այս ընտրությունները չեն կարող լեգիտիմ ճանաչվել․ «Ուժեղ Վրաստան»
- 5 Եվրահանձնաժողովը խորհուրդ չի տալիս սկսել Վրաստանի անդամակցության շուրջ բանակցությունները
- 6 Edison. Էգզիթ փոլի և ԿԸՀ-ի արդյունքների միջև 13% տարբերությունը վկայում է մանիպուլյացիայի մասին
«Դուք ծառայում եք Ռուսաստանի՞ն, թե՞ Վրաստանին։ Ո՞ւմ եք երդվել։ Ինձ հետաքրքրում է պատասխանը։ Ձեր նախագահին չե՞ք պատասխանում։ Չե՞ք մտածում ձեր ապագայի մասին։ Ո՛չ երկիր, ո՛չ երեխաներ։ Ոչ նույնիսկ ձեր նախնիները: Ինձ հետաքրքիր է, թե ում եք ծառայում և ինչու, հանուն ինչի, քանի՞ լարիով եք ծառայում մեկ այլ երկրի»,- հարցրել է Սալոմե Զուրաբիշվիլին հատուկ ջոկատայիններին։
Քաղաքացիները բողոքում են Վրաստանի ոչ լեգիտիմ կառավարության որոշման դեմ՝ դադարեցնելու Եվրամիությանն անդամակցելու գործընթացը։ Ռուսթավելիի պողոտան արգելափակված է, լսվում են տարբեր վանկարկումներ, այդ թվում՝ «ռուսներ»։
Ակցիային զուգահեռ ՆԳՆ-ն մոբիլիզացրել է տարբեր ստորաբաժանումներ և ջրցան մեքենաներ։ ՆԳՆ-ն հանրահավաքի մասնակիցներին կոչ է անում օրենքով սահմանված սահմաններում բողոքի ակցիաներ իրականացնել և զգուշացնում, որ յուրաքանչյուր անօրինական գործողության կհետևի ոստիկանության համապատասխան իրավական արձագանքը։
