ԵՄ անդամ երկրների, այդ թվում՝ Դանիայի, Ֆրանսիայի, Նորվեգիայի և Ֆինլանդիայի արտաքին գործերի նախարարությունները արձագանքում են Թբիլիսիում շարունակվող բողոքի ցույցերին, որոնք պայմանավորված էին Վրաստանի ոչ լեգիտիմ կառավարության որոշմամբ՝ դադարեցնելու երկրի եվրաինտեգրումը։
Լրահոս
Ընթերցողի ընտրանի
- 1 Ես կտրականապես դեմ էի առանց վիզայի ռեժիմի կասեցմանը, բայց փոխեցի իմ դիրքորոշումը․ Ռոթ
- 2 Կոբախիձեի խոսքով՝ պետական ծառայողները և ուսուցիչները ընթերցանության ընկալման խնդիր ունեն
- 3 Խորհրդարանն այլևս գոյություն չունի, քանի որ մի կուսակցություն տապալեց սահմանադրությունը. Զուրաբիշվիլի
- 4 Եվրախորհրդարանը պահանջում է պատժամիջոցների ենթարկել «Երազանքի» առաջնորդներին և նոր ընտրություններ անցկացնել Վրաստանում
- 5 ԵՄ-ն ընտրություններն ուսումնասիրելու համար առաքելություն կուղարկի Վրաստան և կչեղարկի կառավարությանը տրվող 121 միլիոնի օգնությունը
- 6 Աղմկոտ նիստից հետո ԿԸՀ-ն հաստատեց ընտրությունների ամփոփիչ արձանագրությունը
Դանիայի արտաքին գործերի նախարար Լարս Լոկե Ռասմուսենի խոսքով, Դանիան անհանգստացած է Վրաստանում եվրոպամետ ցուցարարների և լրագրողների դեմ ուժի չափից դուրս կիրառման մասին հաղորդումներով։
«Դանիան ամուր կանգնած է վրաց ժողովրդի կողքին։ Նրանց ժողովրդավարական և հիմնարար իրավունքները պետք է պաշտպանվեն»,- ասել է նախարարը։
Ֆրանսիան «ուշադրությամբ հետևում է» Վրաստանում տիրող իրավիճակին։ Եվրոպայի և արտաքին գործերի նախարարության հայտարարության մեջ նշվում է, որ իրենք անհանգստացած են ցուցարարների և լրագրողների նկատմամբ կիրառվող բռնաճնշումների վերաբերյալ հաղորդումներով։
«Մեր կոչն է հարգել խաղաղ ցույցի իրավունքը։ Պետք է պաշտպանել հիմնարար ազատությունները, քաղաքական բազմակարծությունը և քաղաքացիական հասարակությունը։
Ֆրանսիան իր եվրոպացի գործընկերների հետ կշարունակի սերտ կապեր պահպանել վրաց ժողովրդի հետ և աջակցել նրա եվրոպական նկրտումներին»,- ասված է գերատեսչության հայտարարության մեջ։
Նորվեգիայի արտաքին գործերի նախարար Էսպեն Բարտ Իդեն նույնպես իր աջակցությունն է հայտնել վրաց ժողովրդի եվրոպական նկրտումներին։
«Ես խորապես անհանգստացած եմ Վրաստանում խաղաղ ցուցարարների և լրագրողների դեմ ուժի կիրառման մասին հաղորդումներով։ Ցավում եմ Վրաստանի կառավարության որոշման համար՝ դադարեցնել ԵՄ-ին անդամակցելու բանակցությունները, որոնք ժողովրդավարական բարեփոխումների հիմնական մեխանիզմն են»,- ասել է նորվեգացի դիվանագետը։
«Վրաստանը Եվրոպա է»,- ասել է Ֆինլանդիայի արտաքին գործերի նախարար Էլինա Վալտոնենին։ Ինչպես ասել է նա՝ հիասթափված է Վրաստանի կառավարության որոշումից՝ դադարեցնել ԵՄ գործընթացը՝ հակառակ ժողովրդի կամքին։
«Մենք կրկին տեսնում ենք վրաց ժողովրդի ապագան ազատ և ժողովրդավարական հասարակության մեջ: Մենք խստորեն դատապարտում ենք ցանկացած բռնի գործողություն խաղաղ ցուցարարների նկատմամբ»,- ասված է Վալտոնենի հայտարարության մեջ:
Նոյեմբերի 28-ին ոչ լեգիտիմ վարչապետ Իրակլի Կոբախիձեն հայտարարեց, որ «Վրացական երազանքի» որոշմամբ՝ Վրաստանը մինչև 2028 թվականի ավարտը չի պատրաստվում Եվրամիությանն անդամակցելու շուրջ բանակցություններ սկսել և հրաժարվում է ԵՄ բյուջետային դրամաշնորհներից։ Այս որոշմամբ պայմանավորված բազմահազարանոց բողոքի ցույցերը ցրվեցին ՆԳՆ-ի կողմից, որի ընթացքում ոստիկանական ուժերը դաժանորեն հարձակվեցին խաղաղ ցուցարարների և լրագրողների վրա։ Երկու օրվա ընթացքում ցույցերի ժամանակ ձերբակալված քաղաքացիների թիվը կազմել է 150։
