«Երազանքը» ևս մեկ անգամ բացահայտեց իր էությունը՝ ընտրելով հակաամերիկյան սադրիչ․ Քարդին

««Վրացական երազանքը» հերթական անգամ բացահայտեց իր իրական էությունը՝ որպես դրոշակակիր ընտրելով հայտնի հակաամերիկյան սադրիչ Միխեիլ Կավելաշվիլիին։ Պարոն Կավելաշվիլին Վրաստանի դեմոկրատական ​​հետընթացի առանցքային դեմքն է, ներառյալ նրա դերը ռուսաստանյան օրինակով օտարերկրյա գործակալների մասին օրենքի համահեղինակության մեջ», - ասվում է սենատոր Քարդինիի հայտարարության մեջ:

Նա կոչ է արել «Վրացական երազանքին» անհապաղ դադարեցնել բռնի հարձակումը անմեղ քաղաքացիների վրա և ազատ արձակել բոլոր ձերբակալված ցուցարարներին։

«Նախագահ Բայդենը պետք է պատասխանատվության ենթարկի նրանց, ովքեր պատասխանատու են այս դաժան բռնաճնշումների կազմակերպման համար, ներառյալ Մագնիտսկի գլոբալ պատժամիջոցներ սահմանելը: Հիմա այն պահն է, երբ Միացյալ Նահանգները և մեր դաշնակիցները պետք է ամուր կանգնեն վրաց ժողովրդի կողքին՝ ժողովրդավարության և ազատության հասնելու նրա ձգտումներում», - ասել է սենատորը։

Վրաստանի վեցերորդ նախագահի ընտրությունները ոչ լեգիտիմ խորհրդարանում տեղի են ունեցել դեկտեմբերի 14-ին՝ բողոքի ակցիայի ֆոնին։ «Վրացական երազանքն» այս պաշտոնում ընտրել է Միխեիլ Կավելաշվիլիին, ով իշխող կուսակցության կողմից ներկայացված նախագահի միակ թեկնածուն էր։

53-ամյա Միխեիլ Կավելաշվիլին իր հակաարևմտյան հայտարարություններով աչքի ընկած նախկին ֆուտբոլիստ, պատգամավոր և «Ժողովրդի ուժի» անդամ է, ով չունի բարձրագույն կրթություն։ Նրան թեկնածու է առաջադրել «Վրացական երազանքի» պատվավոր նախագահ Բիձինա Իվանիշվիլին։ «Իր բնույթով, եթե կուզեք՝ իր հաբիտուսով, նա վրացի տղամարդու լավագույն մարմնավորումն է»,- նշել է Իվանիշվիլին Կավելաշվիլիին ներկայացնելու ժամանակ։

Նախագահի պաշտոնում Միխեիլ Կավելաշվիլիի երդմնակալության արարողությունը նախատեսված է դեկտեմբերի 29-ին։