Խորհրդարանի նախագահ Շալվա Պապուաշվիլին արձագանքել է նախագահ Սալոմե Զուրաբիշվիլիի՝ ընտրությունների օրը Օրբելիանիների պալատում «համակարգող հարթակ» կազմակերպելու մասին հայտարարությանը։ Պապուաշվիլիի խոսքով՝ ծրագրվում է նախագահական վարչակազմի շենքում նախընտրական շտաբ ստեղծել, ինչը օրենքի խախտում է։
Լրահոս
Ընթերցողի ընտրանի
- 1 Իլիայի պետական համալսարանին ավտորիզացիա է տրվել մեկ տարի հետո մոնիտորինգի պայմանով
- 2 Իվանիշվիլին պատերազմ հայտարարեց մեր բարեկամներին, որպեսզի կանգնի Մոսկվայի կողքին․ Զուրաբիշվիլի
- 3 ԱՄՆ-ը Իվանիշվիլիի դեմ պատժամիջոցների փաթեթ է մշակել․ «Ամերիկայի Ձայն»
- 4 Նման ամոթալի բան չեմ տեսել, պատրաստվել է ԿԳԲ-ի դարբնոցում․ նախագահը՝ «Երազանքի» պաստառների մասին
- 5 Թբիլիսիում սպանվել է տրանսգենդեր կին Կեսարիա Աբրամիձեն
- 6 Պուտինի որոշմամբ Վրաստանի քաղաքացիների համար ընդլայնվել է առանց վիզայի ռեժիմը
«Ամեն ինչ մի կողմ դնելով, սա վարչական ռեսուրսի օգտագործում է, քանի որ շենքը, նյութատեխնիկական ռեսուրսն օգտագործվում է ընտրական նպատակներով։ Նա նաև նշել է, որ մտադիր է տոնել իր թևի հաղթանակը, քանի որ դա իրեն է վերաբերում։ Պատկերացրեք, եթե ես «Վրացական երազանքի» նախընտրական շտաբ ստեղծեմ խորհրդարանում և Ռուսթավելիի դահլիճում, «Վրացական երազանքի» ներկայացուցիչների հետ նստենք մեծ էկրանի առաջ և հաշվենք, թե ով քանի ձայն է ստացել և այլն, կամ վարչապետը կառավարության շենքում հենց այդպես ստեղծի «Վրացական երազանքի» նախընտրական շտաբը, ինչպիսին են նախընտրական շտաբները։ Պատկերացրեք, թե ինչպիսին կլիներ այս մեր այսպես կոչված կենդանի հասարակական կազմակերպությունների ու դիտորդների արձագանքը»,- ասել է Շալվա Պապուաշվիլին «Վրացական երազանքի» գրասենյակում կայացած ճեպազրույցում։
Խորհրդարանի նախագահն ու իշխող կուսակցության առաջնորդներից մեկն այս թեմայից օգտվելով մեղադրանքներ է հնչեցրել դիտորդական կազմակերպությունների հասցեին։ Ըստ նրա՝ կազմակերպությունները «քողարկում են» ընդդիմության ընտրախախտումները։
«Դուք ընդհանրապես նրանցից որևէ բան լսե՞լ եք այս մասին: Օրվա ընթացքում ուղղակիորեն օգտագործվում են վարչական ռեսուրսները, օրը ցերեկով, խախտում է տեղի ունենում։ Սա նաև այն ապացույցներից մեկն է, որ հասարակական կազմակերպությունները, և մենք դա բազմիցս ասել ենք, իրենց զեկույցներում տարածում են կեղծ տեղեկություններ և կեղծ մեղադրանքներ «Վրացական երազանքի» վերաբերյալ և ուղղակիորեն կոծկում են ընդդիմության խախտումները»,- ասել է Պապուաշվիլին։
Ընտրությունների համար ստեղծված միջգերատեսչական հանձնաժողովը, որը նախագահում է արդարադատության նախարար Ռատի Բրեգաձեն, հարցեր ունի Սալոմե Զուրաբիշվիլիի վերաբերյալ։ Ինչպես ասում է Բրեգաձեն, հանձնաժողովի այսօրվա նիստին հրավիրվել է նախագահի վարչակազմի ներկայացուցիչը։
«Երբ ասվում է, որ առանձին քաղաքական ուժեր պետք է համատեղ տոնեն հաղթանակը վարչական մարմնում, սա, իհարկե, կարող է ընտրական օրենսդրության խախտման նշաններ պարունակել։ Այս առնչությամբ մենք խնդրեցինք վարչակազմի ներկայացուցչին գալ, սակայն այսօր Վրաստանի նախագահի վարչակազմի ներկայացուցիչը չներկայացավ հանձնաժողովի նիստին, ինչը շատ ցավալի է։ Նրանց կողմից, սակայն, տրվել է գրավոր պարզաբանում, որը հանձնաժողովի կողմից բավարար չի համարվել։ Սա նաև հստակորեն վկայում է այն փաստի մասին, որ նախագահը տրամադրված չէ ճիշտ համագործակցելու ընտրական հարցերի շուրջ»,- ասել է Ռատի Բրեգաձեն։ Նա կոչ է անում նախագահի աշխատակազմի ներկայացուցիչներին ներկայանալ հանձնաժողովի հաջորդ նիստին՝ պարզաբանում տալու համար։
Սալոմե Զուրաբիշվիլին հոկտեմբերի 7-ին կայացած ճեպազրույցում ասել է, որ հոկտեմբերի 26-ին՝ խորհրդարանական ընտրությունների օրը, Օրբելիանիների պալատում կկազմակերպվի համակարգող հարթակ՝ վերահսկելու այն ամենը, ինչ տեղի կունենա այդ օրը։ Նախագահի խոսքով՝ իրենք հաղթանակը տոնելու են այնտեղ և միասին։
