Հանրապետական կոնգրեսական և Հելսինկյան հանձնաժողովի նախագահ Ջո Ուիլսոնը արձագանքել է «Վրացական երազանքի» կողմից ընտրված նախագահ Միխեիլ Կավելաշվիլիի երդմնակալությանը, որը նշանակված է դեկտեմբերի 29-ին։
Լրահոս
Ընթերցողի ընտրանի
- 1 Ես կանեմ ամեն ինչ, որպեսզի Իվանիշվիլին կորցնի ամենաթանկը՝ փողն ու իշխանությունը. Գախարիա
- 2 Թբիլիսիի քաղաքապետարանը խուսափում է 16-ամյա տղայի մահվան դեպքի համար պատասխանատվությունից
- 3 Ալիևը Հայաստանը անվանել է «ֆաշիստական պետություն» և ասել, որ «ֆաշիզմը պետք է ոչնչացվի»
- 4 Թրամփը առավելագույն ճնշում է գործադրելու Իրանի և Իրանի դաշնակից Իվանիշվիլիի ռեժիմի վրա․ Ուիլսոն
- 5 Բաթումիում խմբով հարձակվել են Գիորգի Գախարիայի վրա
- 6 ԱՄՆ-ն և Հայաստանը կստորագրեն ռազմավարական գործընկերության փաստաթուղթ
«Նախագահ Դոնալդ Թրամփը շատ հստակ հասկացրեց, թե ինչ է մտածում Ամերիկայի ինքնահռչակ թշնամիների վերաբերյալ: Եթե Բիձինա Իվանիշվիլին դեկտեմբերի 29-ին իրականացնի վրացական ժողովրդավարությունը ոչնչացնելու իր ծրագիրը, նա պետք է ակնկալի պատասխան, որը երբեք չէր էլ կարող պատկերացնել»,- գրել է Ջո Ուիլսոնը հարթակ X-ում։
Միխեիլ Կավելաշվիլիի երդմնակալությունը տեղի կունենա ոչ լեգիտիմ խորհրդարանում կիրակի օրը՝ դեկտեմբերի 29-ին: Նախագահ Սալոմե Զուրաբիշվիլին և խորհրդարանական ընտրություններում անցողիկ շեմը հաղթահարած ընդդիմադիր կուսակցությունները չեն ճանաչում Կավելաշվիլիի լեգիտիմությունը։ Ինչպես հայտարարել է Զուրաբիշվիլին, իր «մանդատը կշարունակվի այնքան ժամանակ, քանի դեռ չի եղել լեգիտիմորեն ընտրված խորհրդարան», որը կընտրի վեցերորդ նախագահին։
Դեկտեմբերի 14-ին ոչ լեգիտիմ խորհրդարանում կայացել են Վրաստանի վեցերորդ նախագահի ընտրությունները։ Կավելաշվիլին, ով «Վրացական երազանքի» առաջադրած միակ թեկնածուն էր, ընտրական կոլեգիայի կողմից ընտրվել է այդ պաշտոնում 5 տարի ժամկետով։ Քվեարկությունն անցել է առանց ընդդիմության։
300 հոգանոց կոլեգիայից ընտրություններին մասնակցել է միայն 225-ը, իսկ Միխեիլ Կավելաշվիլիի օգտին քվեարկել է 224-ը։ Նրանցից 211-ը ներկայացնում էին «Վրացական երազանքը», իսկ 14-ը՝ Աբխազիայի Գերագույն խորհուրդը։ Խորհրդի պատգամավոր Ադա Մարշանիայի ձայնը համարվել է անվավեր։
Մինչ այժմ Միխեիլ Կավելաշվիլիին նախագահության կապակցությամբ շնորհավորել են Թուրքիայի նախագահ Ռեջեփ Թայիփ Էրդողանը, Ադրբեջանի նախագահ Իլհամ Ալիևը, Բելառուսի նախագահ Ալեքսանդր Լուկաշենկոն, Սերբիայի նախագահ Ալեքսանդր Վուչիչը և Հայաստանի վարչապետ Նիկոլ Փաշինյանը։
