Եվրախորհրդարանում Վրաստանի նախագահ Սալոմե Զուրաբիշվիլիի ելույթից առաջ խորհրդարանի նախագահ Ռոբերտա Մեցոլան հանդես է եկել հայտարարությամբ և արձագանքել Վրաստանում տիրող իրավիճակին։
Լրահոս
Ընթերցողի ընտրանի
- 1 Գուդաուրիի հնդկական ռեստորաններից մեկում հայտնաբերվել է 12 մարդու դի
- 2 Կոբախիձեի խոսքով՝ պետական ծառայողները և ուսուցիչները ընթերցանության ընկալման խնդիր ունեն
- 3 Խորհրդարանն այլևս գոյություն չունի, քանի որ մի կուսակցություն տապալեց սահմանադրությունը. Զուրաբիշվիլի
- 4 Եվրախորհրդարանը պահանջում է պատժամիջոցների ենթարկել «Երազանքի» առաջնորդներին և նոր ընտրություններ անցկացնել Վրաստանում
- 5 ԵՄ-ն ընտրություններն ուսումնասիրելու համար առաքելություն կուղարկի Վրաստան և կչեղարկի կառավարությանը տրվող 121 միլիոնի օգնությունը
- 6 Նախագահի թեկնածու Միխեիլ Կավելաշվիլին բարձրագույն կրթություն չունի
Մեցոլայի խոսքով՝ վերջին անգամ՝ 2023 թվականի մայիսին, երբ Սալոմե Զուրաբիշվիլին Եվրախորհրդարանում էր, քննարկել են Վրաստանի առաջընթացը եվրոպական ընտանիքին միանալու ճանապարհին, սակայն այսօր այդ ճանապարհը վտանգի տակ է։
«Եվրախորհրդարանը դատապարտում է ընդդիմության դեմ ուղղված բոլոր բռնաճնշումները և խաղաղ ցուցարարների ձերբակալությունները։ Այս գործողությունները տապալում են այն հաջող քայլերը, որոնք մենք միասին արել ենք վերջին տարիներին։
Ի պատասխան այս իրավիճակի՝ այս պալատը հանդես է եկել վճռական գործողությունների կոչով, և մենք դա կրկնում ենք հիմա։
Ես գիտեմ, որ Վրաստանում շատ մարդիկ կան, ովքեր վախենում են իրենց երկրի ապագայի համար։ Ես նաև գիտեմ, որ ես խոսում եմ ողջ պալատի անունից, երբ ասում եմ բոլոր այն վրացիներին, ովքեր աջակցություն և իրենց ապագան են փնտրում Եվրոպայում. դուք մենակ չեք, մենք տեսնում ենք ձեզ, հասկանում ենք, մենք ձեզ հետ ենք»,- ասել է Ռոբերտա Մեցոլան։
Նրա խոսքով՝ Եվրախորհրդարանը Եվրոպա տանող ճանապարհին ամուր կանգնած է Վրաստանի ժողովրդի կողքին։ «Մեր դուռը միշտ բաց կմնա»,- ասել է Մեցոլան։
