ევროპარლამენტში საქართველოს პრეზიდენტის, სალომე ზურაბიშვილის გამოსვლის დაწყებამდე, პარლამენტის პრეზიდენტმა რობერტა მეცოლამ განცხადება გააკეთა და საქართველოში არსებულ მდგომარეობას გამოეხმაურა.
ახალი ამბები
მკითხველის რჩეული
- 1 რა მოხდა თელავის სასტუმროში, სადაც რუსეთის მოქალაქის ცემის ბრალდებით მამაკაცი დააკავეს
- 2 საპატრულო პოლიციამ შშმ პირს მანქანაში ჩააფსმევინა, შსს-ს 10 ათასის გადახდა დაეკისრა
- 3 გაუპატიურება, წამება და დაკარგული ჩვილი - ნატა ვიბლიანის საქმეზე გამოძიება დაიწყო
- 4 283 ქოთანი და 7 კგ გამომშრალი მარიხუანა - დიზაინერ რატი რატიანს 15 წელი მიუსაჯეს
- 5 დამოუკიდებელი მედიების რედაქტორები ელისო კილაძის საქმის განხილვის საჯაროობას ითხოვენ
- 6 სოხუმი მასშტაბური ენერგოკოლაფსის მიზეზად ენგურჰესზე მომხდარ ავარიას ასახელებს
მეცოლას თქმით, ბოლოს - 2023 წლის მაისში - როდესაც სალომე ზურაბიშვილი ევროპარლამეტში იმყოფებოდა, ევროპულ ოჯახში გაწევრიანების გზაზე საქართველოს წინსვლას განიხილავდნენ, დღეს კი ეს გზა საფრთხეშია.
„ევროპარლამენტი გმობს ოპოზიციის მიმართ ყოველგვარ რეპრესიებს და მშვიდობიანი მომიტინგეების დაპატიმრებას. ეს ქმედებები აუქმებს იმ წარმატებულ ნაბიჯებს, რომლებიც ჩვენ ერთად გადავდგით ბოლო წლებში.
ამ სიტუაციის საპასუხოდ, ეს პალატა გამოვიდა გადამწყვეტი მოქმედებისკენ მოწოდებით და ჩვენ ამას ახლაც ვიმეორებთ.
ვიცი, რომ საქართველოში ბევრია, ვინც შიშობს თავისი ქვეყნის მომავლის გამო. ასევე ვიცი ისიც, რომ ვსაუბრობ მთელი ამ პალატის სახელით, როდესაც ყველა იმ ქართველს, რომელიც ევროპაში ეძებს მხარდაჭერასა და თავის მომავალს, ვეუბნები - თქვენ არ ხართ მარტო, ჩვენ გხედავთ, გვესმის თქვენი, თქვენთან ვართ“, - განაცხადა რობერტა მეცოლამ.
მისივე თქმით, ევროპარლამენტი ევროპისკენ მიმავალ გზაზე მტკიცედ დგას საქართველოს ხალხის გვერდით. „ჩვენი კარი ყოველთვის ღია დარჩება“, - აღნიშნა მეცოლამ.
