Այսօր՝ հունիսի 4-ին, Եվրոպական խորհրդարանի արտաքին հարաբերությունների հանձնաժողովը ընդունել է Վրաստանի վերաբերյալ քննադատական զեկույց: Փաստաթղթին՝ կից փոփոխություններով, սատարել է 55 Եվրախորհրդարանի պատգամավոր, 14-ը դեմ է քվեարկել, 4-ը՝ ձեռնպահ:
Լրահոս
Ընթերցողի ընտրանի
- 1 Բաթումիի և Քոբուլեթիի քաղաքապետները ֆեյսբուքյան գրառումներով հրաժարական են ներկայացրել
- 2 Գլդանիի բանտից ծանր վնասվածքներով կլինիկա տեղափոխված կալանավորը մահացել է
- 3 Իրակլի Օքրուաշվիլին ձերբակալվել է Ծուլուկիանիի հանձնաժողովի նիստին չներկայանալու համար
- 4 Մայիսի 26-ը մերն է, Վրաստանի բոլոր քաղաքացիները կստանձնեն մայիսի 26-ը․ Զուրաբիշվիլի
- 5 ՆԱՏՕ-ի և Եվրամիության տեղեկատվական կենտրոնը լուծարվում է
- 6 Ընտրությունները նախ պետք է լինեն խորհրդարանական, ապա՝ տեղական, կամ համատեղ․ Զուրաբիշվիլի
Զեկույցը ներկայացնողը լիտվացի պատգամավոր Ռասա Յուկնևիչիենեն էր: Նա մամուլի ասուլիսում ափսոսանք է հայտնել, որ «տարեկան զեկույցում Եվրոպական խորհրդարանը պետք է Վրաստանը գնահատի որպես թեկնածու երկիր, ոչ թե որպես առաջընթաց, այլ որպես հսկայական քայլ ժողովրդավարական երկրից, Եվրոպական գործընկերության երկրների առաջատարից դեպի դաժան ավտոկրատիա»:
«Եվրամիությունը և դրա անդամ պետությունները պետք է վճռական միջոցներ ձեռնարկեն, քանի դեռ ուշ չէ: Սա մեր պարտականությունն է ազատ և եվրոպամետ ապագայի համար պայքարող քաջարի վրացիների առջև», - ասել է Եվրախորհրդարանի անդամը:
Զեկույցում 2024 թվականի խորհրդարանական ընտրությունները նկարագրվում են որպես «կեղծված»։ Փաստաթղթի համաձայն, այս ընտրությունները իշխող «Վրացական երազանք» կուսակցության համար ճանապարհ հարթեցին պետական հաստատությունները անօրինական կերպով զավթելու, բռնաճնշողական օրենսդրություն կիրառելու և քաղաքական հակառակորդների, լրագրողների և խաղաղ ցուցարարների նկատմամբ խիստ ճնշումներ գործադրելու համար։
Եվրախորհրդարանի արտաքին գործերի հանձնաժողովը վերահաստատում է, որ Վրաստանում առկա քաղաքական և սահմանադրական ճգնաժամը կարող է լուծվել միայն նոր խորհրդարանական ընտրությունների միջոցով, որոնք պետք է անցկացվեն առաջիկա ամիսներին՝ բարելավված ընտրական միջավայրում, անկախ և անաչառ ընտրական վարչակազմի հսկողության ներքո և միջազգային դիտորդների ներգրավմամբ։
Եվրախորհրդարանի արտաքին գործերի հանձնաժողովը ընդգծում է «Վրացական երազանքի» հիմնադիր և պատվավոր նախագահ Բիձինա Իվանիշվիլիի դերը քաղաքական գործընթացների վատթարացման գործում և պահանջում է անհապաղ կիրառել նպատակային, անձնական պատժամիջոցներ նրա ընտանիքի անդամների և ընկերությունների նկատմամբ և սառեցնել նրա ակտիվները ԵՄ-ում։
Զեկույցում Եվրախորհրդարանի պատգամավորները կոչ են անում ԵՄ-ին և դրա անդամ պետություններին անձնական պատժամիջոցներ կիրառել, հիմնականում ժողովրդավարական հետընթացի, ընտրակեղծիքների, մարդու իրավունքների խախտումների և քաղաքական հակառակորդների ու ակտիվիստների հետապնդման համար պատասխանատուների նկատմամբ։ Միաժամանակ, նրանք վերահաստատում են, որ ԵՄ-ի կողմից մինչ այժմ ձեռնարկված միջոցառումները չեն արտացոլում Վրաստանում ստեղծված իրավիճակի լրջությունը և կոչ են անում ԵՄ ղեկավարությանը միավորել համախոհ անդամ պետություններին համակարգված գործողությունների համար և այդպիսով հաղթահարել քաղաքական խոչընդոտները պատժամիջոցներ ընդունելիս։
Աճող ռեպրեսիվ օրենսդրական միջավայրի հաշվառմամբ՝ Եվրախորհրդարանի պատգամավորները նաև կոչ են անում անհապաղ աուդիտ անցկացնել Վրաստանի նկատմամբ ԵՄ քաղաքականության մեջ և կոչ են անում Եվրահանձնաժողովին վերանայել ԵՄ-Վրաստան Ասոցացման համաձայնագրի իրականացումը։
Եվրախորհրդարանի պատգամավորները վերահաստատում են իրենց համերաշխությունը վրաց ժողովրդի և նրանց օրինական եվրոպամետ ձգտումների նկատմամբ։ Նրանք նշում են, որ 2025 թվականին նախատեսված մունիցիպալ ընտրությունները Վրաստանի ժողովրդավարության և քաղաքական բազմակարծության կայունության ևս մեկ փորձություն են։ Եվրախորհրդարանի պատգամավորները կոչ են անում ընդդիմությանը օգտագործել այս հնարավորությունը ցույց տալու վրաց ժողովրդի միասնությունը ժողովրդավարության և օրենքի գերակայության աջակցության հարցում, ինչպես արդեն ցույց տվեցին հոկտեմբերյան ընտրություններից հետո տեղի ունեցած խաղաղ բողոքի ցույցերը։
Զեկույցը քվեարկության կդրվի Եվրախորհրդարանի հաջորդ լիագումար նիստում։
Հունիսի 3-ին Եվրախորհրդարանի մարդու իրավունքների հանձնաժողովի մեկ այլ նիստում մանրամասն քննարկվել է Վրաստանը։ Այս նիստում ելույթ են ունեցել վրացական քաղաքացիական հասարակության և լրատվամիջոցների ներկայացուցիչները։
