Թբիլիսիի քաղաքային դատարանի դատավոր Նանա Շամաթավան որպես խափանման միջոց 70 000 լարի գրավի դիմաց ազատ է արձակել գործարար Գիորգի Ռամիշվիլիին, ով հայտնի է «Զարալա» մականունով։ Անօրինական զենք կրելու մեջ մեղադրվող Ռամիշվիլին ազատ է արձակվել դատարանի դահլիճից։
Լրահոս
Ընթերցողի ընտրանի
- 1 Եվրոպական խորհրդարանը 490 ձայնով ընդունել է Վրաստանի վերաբերյալ ևս մեկ քննադատական բանաձև
- 2 8 եվրոպական առաջարկություն, որոնց չկատարումը կարող է հանգեցնել վիզայի ազատականացման կասեցմանը
- 3 Գախարիայի կուսակցությունը և «Լելոն» ստորագրել են հուշագիր ընտրությունների վերաբերյալ
- 4 Եվրահանձնաժողովը նամակ է պատրաստում Վրաստանի համար վիզայի ազատականացումը կասեցնելու վերաբերյալ․ Յոզվյակ
- 5 FTM. «Իմեդի»-ի սեփականատեր Իրակլի Ռուխաձեի չորս բիզնեսները գրանցված են Նիդերլանդներում
- 6 Զատուլինի խոսքով՝ այս կառավարության օրոք Վրաստանը ստիպված կլինի մոռանալ ԵՄ-ին և ՆԱՏՕ-ին միանալու մասին
Դատախազությունը միջնորդել էր մեղադրյալի նկատմամբ կիրառել կալանք, պաշտպանական կողմը միջնորդություն էր ներկայացրել 50 000 լարի գրավի կիրառման վերաբերյալ։
Գիորգի Ռամիշվիլին ձերբակալվել է երեկ՝ հուլիսի 6-ին, Թբիլիսիի միջազգային օդանավակայանում՝ երկրից դուրս գալու ժամանակ։ Դատախազության տվյալներով՝ մեկնման տերմինալում սկաների ստուգման ժամանակ մեղադրյալի ձեռքի ուղեբեռում հայտնաբերվել է WALTHER PPK/S մոդելի 9 մմ տրամաչափի ատրճանակ՝ փամփշատուփով և 7 հատ 9 մմ տրամաչափի փամփուշտներով, որոնք գրանցված են եղել պահելու իրավունքով, և որոնք նա ապօրինի տեղափոխել է։
Ռամիշվիլին իրեն մեղավոր չի ճանաչել։ Նա դատարանում հայտարարել է, որ «սխալ» է թույլ տվել։
«Կարող եմ միանշանակ ասել, որ այսօր դատարանը կայացրեց բացարձակապես օբյեկտիվ որոշում, քանի որ չկիրառեց ամենախիստ խափանման միջոցը։ Մենք գիտենք, որ այս անձը [Գիորգի Ռամիշվիլին] ունի բավականին լուրջ բիզնես, լուրջ կապեր, և, բնականաբար, նրա գործարար համբավը կվնասվեր», - ասել է փաստաբան Իրմա Չկադուան։
Դատախազությունը Վերաքննիչ դատարանում կբողոքարկի քաղաքային դատարանի որոշումը։
Գործի նախնական դատական նիստը նշանակվել է օգոստոսի 26-ին։ Հանցագործությունը, որի կատարման մեջ դատախազությունը մեղադրում է գործարարին, պատժվում է 4-ից 7 տարի ազատազրկմամբ։
58-ամյա Գիորգի Ռամիշվիլին Silk Road Group-ի սեփականատերն է, Silknet-ի վերահսկիչ խորհրդի նախագահը և Euronews Georgia-ի հիմնադիրը։
