Բողոքից խուսափելու համար «Վրացական երազանքը» կփորձի օտարերկրյա գործակալների մասին ռուսական օրենքն ընդունել հունիսին՝ Եվրոպայի առաջնությունում Վրաստանի հավաքականի ելույթների ժամանակ։ Այս մասին այսօր հայտարարել է «Ախալի» կուսակցության նախագահ Նիկա Գվարամիան։
Լրահոս
Ընթերցողի ընտրանի
- 1 Ես կտրականապես դեմ էի առանց վիզայի ռեժիմի կասեցմանը, բայց փոխեցի իմ դիրքորոշումը․ Ռոթ
- 2 ԿԸՀ-ի նախնական արդյունքներով՝ ընտրություններում 53%-ով առաջատարը «Վրացական երազանքն» է
- 3 «Ֆորմուլայի» և «Մթավարիի» էքզիթ փոլերով ընտրություններում հաղթում է ընդդիմությունը, ըստ «Իմեդիի»՝ «Երազանքը»
- 4 Նախագահը չի ճանաչում ընտրությունների արդյունքները. հոկտեմբերի 28-ին Ռուսթավելիում հավաք է նախատեսվում
- 5 Գախարիայի կուսակցությունից հայտնել են, որ ԿԸՀ-ում առկա ընտրակեղծիքների ապացույցները վտանգի տակ են
- 6 Եվրահանձնաժողովի գնահատմամբ՝ Վրաստանը չի կատարել անցյալ տարվա հանձնարարականները
«Օրենքն արագացված կարգով չի ընդունվի միայն այն պատճառով, որ նախատեսվում է ընդունել հունիսին՝ Եվրոպայի առաջնության ժամանակ, որպեսզի այդ ժամանակ բողոքի ակցիաներ չլինեն, որպեսզի մարդիկ չհասցնեն բողոքել։ Համոզված եմ, որ մենք կկարողանանք աջակցել ազգային հավաքականին եվրոպական ընտանիքում, ինչպես նաև կկարողանանք պաշտպանել մեր եվրոպական հեռանկարը մեր երկրում, նույնիսկ փողոցում և ցանկացած վայրում, որտեղ կարող ենք սահմանադրական արտահայտչական ձևերով»,- ասել է Գվարամիան։
Նա կոչ է արել հասարակությանը և արևմտյան գործընկերներին չվստահել «Վրացական երազանքի» ներկայացուցիչների խոսքերին։
Իշխող կուսակցությունը մտադիր է երեք ընթեցմամբ էլ ընդունել այսպես կոչված օտարերկրյա գործակալների մասին օրենքը, որը մերժվել է 2023 թվականի մարտին՝ բողոքի ակցիաների և միջազգային ճնշման պատճառով։ Օրենքի նախագծի տեքստը լինելու է նույնը, միայն «օտարերկրյա ազդեցության գործակալը» կփոխարինվի «օտարերկրյա ուժի շահերը կրող կազմակերպություն» տերմինով։
Այսօրվա ճեպազրույցում իշխող կուսակցության գործադիր քարտուղար Մամուկա Մդինարաձեն նշել է, որ օրենքի նախագիծը չի քննարկվի արագացված կարգով և հետ չի կանչվի նույնիսկ ավելի մեծ բողոքի դեպքում, քան նախորդ տարի։ «Ոչ մի դեպքում։ Սա սկզբունքային հարց է»,- ասել է Մդինարաձեն։
Մինչ այժմ «Վրացական երազանքի» ղեկավարները հայտարարում էին, որ չեն վերադառնա օրենքի նախագծին, և այս հարցը փակված է։
