Վրաստանի հանրային պաշտպանի գրասենյակի 37 աշխատակիցներ հանդես են գալիս համատեղ հայտարարությամբ և քննադատում Լևան Իոսելիանիին՝ 11-րդ գումարման խորհրդարանի առաջին նիստին մասնակցելու համար։ Հայտարարության մեջ նշվում է, որ Իոսելիանիի արարքը վնասում է հանրային պաշտպանի՝ որպես անկախ սահմանադրական մարմնի գործունեությանը և նրա նկատմամբ վստահությանը։
Լրահոս
Ընթերցողի ընտրանի
- 1 Ես կտրականապես դեմ էի առանց վիզայի ռեժիմի կասեցմանը, բայց փոխեցի իմ դիրքորոշումը․ Ռոթ
- 2 Նախագահը չի ճանաչում ընտրությունների արդյունքները. հոկտեմբերի 28-ին Ռուսթավելիում հավաք է նախատեսվում
- 3 Գախարիայի կուսակցությունից հայտնել են, որ ԿԸՀ-ում առկա ընտրակեղծիքների ապացույցները վտանգի տակ են
- 4 Եվրահանձնաժողովի գնահատմամբ՝ Վրաստանը չի կատարել անցյալ տարվա հանձնարարականները
- 5 Բայդենի հայտարարությունից պարզ է դառնում, որ այս ընտրությունները չեն կարող լեգիտիմ ճանաչվել․ «Ուժեղ Վրաստան»
- 6 Եվրահանձնաժողովը խորհուրդ չի տալիս սկսել Վրաստանի անդամակցության շուրջ բանակցությունները
Հայտարարությունը ստորագրողները կիսում են այն դիրքորոշումը, որ նոյեմբերի 25-ին իշխող «Վրացական երազանքը» խախտել է երկրի սահմանադրությունը և խորհրդարանի կանոնակարգը՝ ճանաչելով պատգամավորների լիազորությունները։ Ինքը՝ Լևան Իոսելիանին, կարծում է, որ խորհրդարանը լեգիտիմ է։
«Մենք՝ Վրաստանի հանրային պաշտպանի գրասենյակի աշխատակիցներս, միշտ եղել և մնում ենք հավատարիմ ժողովրդին, պետության շահերին, սահմանադրական մարմնի հիմնարար սկզբունքներին ու նպատակներին։ Որպես պետական ծառայողներ, պաշտոնական իրավահարաբերությունների շրջանակներում, երդում տալու պահից մենք առաջնորդվում ենք միայն Վրաստանի Սահմանադրությամբ, Վրաստանի օրենքներով և միջազգային պայմանագրերով։
Մեր միակ նպատակն է ապահովել մարդու իրավունքների վերահսկման ժամանակին, համապարփակ, անկախ և անաչառ գործառույթ: Ելնելով վերոգրյալից՝ կարևոր ենք համարում հրապարակայնորեն արտահայտել մեր դիրքորոշումը խորհրդարանի նիստին հանրային պաշտպանի ներկայության և խորհրդարանի կողմից լիազորությունների ճանաչման սահմանադրականության վերաբերյալ։
Վրաստանի Սահմանադրությունը և Վրաստանի խորհրդարանի կանոնակարգը անթույլատրելի են համարում խորհրդարանի լիազորությունների ճանաչումը, եթե Սահմանադրական դատարանում վիճարկվում է խորհրդարանի անդամների ընտրության օրինականությունը։ Ինչպես հայտնի է, խորհրդարանի բոլոր 150 անդամների ընտրության օրինականության հարցը Սահմանադրական դատարանում է բողոքարկել Վրաստանի նախագահը և Վրաստանի խորհրդարանի անդամների մեկ հինգերորդը (որոնք հանրային պաշտպանի հետ միասին, ներկայացնում են հատուկ սուբյեկտներ՝ ընտրությունների արդյունքները բողոքարկելու նպատակով), որոնց վերաբերյալ Սահմանադրական դատարանը պետք է որոշում կայացնի կարճ ժամկետում (30 օր):
Նոյեմբերի 25-ին, անտեսելով Վրաստանի Սահմանադրությամբ սահմանված կանոնները և Վրաստանի խորհրդարանի կանոնակարգը, ճանաչվել է Վրաստանի խորհրդարանի այն անդամների լիազորությունները, որոնց օրինականությունը դատարանը դեռ չի որոշել։
Մեզ համար ցավալի է, որ հանրային պաշտպանը մասնակցում է նման գործընթացներին, ինչը խախտում է սահմանադրական և իրավական կարգը և վնասում հանրային պաշտպանի՝ որպես անկախ սահմանադրական մարմնի գործունեությանը և վստահությանը։
Մենք հստակ արձանագրում ենք, որ այստեղ աշխատող մասնագետների դիրքորոշումը սկզբունքային է ոչ միայն այս, այլ նաև այլ հարցերի, և նրանց գործունեության առաջնահերթությունները, տեսլականն ու մարդու իրավունքների նկատմամբ հավատը չեն փոխվել», - ասված է Հանրային պաշտպանի գրասենյակի հայտարարության մեջ։
Նոյեմբերի 25-ին կայացած միակուսակցական նիստում «Վրացական երազանքը» ճանաչեց խորհրդարանի բոլոր 150 անդամների լիազորությունները, ընտրեց ոչ լեգիտիմ խորհրդարանի նախագահին, նրա տեղակալներին ու հանձնաժողովների նախագահներին։ Սահմանադրության համաձայն՝ նորընտիր խորհրդարանի առաջին նիստը նշանակում է նախագահը, սակայն Սալոմե Զուրաբիշվիլին դա չի արել։ Նա բողոքարկել է խորհրդարանական ընտրությունների արդյունքները և, համապատասխանաբար, Սահմանադրական դատարանում բոլոր 150 անդամների ընտրության օրինականությունը։ Սահմանադրագետները բացատրում են, որ խորհրդարանն իրավունք չուներ ճանաչելու այն անձանց լիազորությունները, որոնց ընտրության օրինականությունը վիճարկվում է Սահմանադրական դատարանում։ Նրանց պարզաբանմամբ՝ խորհրդարանի որոշումները համարվում են անօրինական։
