Մոտ 60 հասարակական կազմակերպություններ կարծում են, որ ռուսական օրենքի գործողությունը չդադարեցնելու Սահմանադրական դատարանի որոշումը չունի իրավական հիմնավորում, հաշվի չի առնվում տեղական և միջազգային փորձագետների իրավական եզրակացությունները։ Կազմակերպությունների գնահատմամբ՝ դատավորների կողմից նշված որոշումը կայացնելը Սահմանադրության դավաճանություն է։
Լրահոս
Ընթերցողի ընտրանի
- 1 Իլիայի պետական համալսարանին ավտորիզացիա է տրվել մեկ տարի հետո մոնիտորինգի պայմանով
- 2 Խազարաձեն ներողություն է խնդրում հայերից իշխող կուսակցության «այլատյաց պոռթկումների» համար
- 3 Իվանիշվիլին պատերազմ հայտարարեց մեր բարեկամներին, որպեսզի կանգնի Մոսկվայի կողքին․ Զուրաբիշվիլի
- 4 Նման ամոթալի բան չեմ տեսել, պատրաստվել է ԿԳԲ-ի դարբնոցում․ նախագահը՝ «Երազանքի» պաստառների մասին
- 5 Պուտինի որոշմամբ Վրաստանի քաղաքացիների համար ընդլայնվել է առանց վիզայի ռեժիմը
- 6 Նախագահը կուսակցությունների հետ խորհրդակցություններ է սկսում տեխնիկական կառավարության կազմի շուրջ
«Դատարանը պատմական հնարավորություն ունեցավ ընդդիմանալու եվրաինտեգրման գործընթացի կասեցմանը, կանխելու կառավարության անվերահսկելի հասանելիությունը քաղաքացիների գաղտնի տեղեկատվությանը և կանգնելու սեփական ժողովրդի կողքին, որը ամիսներ շարունակ, չնայած կառավարության բռնություններին, հաստատակամորեն դիմադրում էր ռուսական օրենքին։
«Ցավոք սրտի, Սահմանադրական դատարանը չկարողացավ ինքնուրույն որոշում կայացնել, այն կրկին ընկավ իշխող կուսակցության ազդեցության տակ և չկարողացավ կատարել իր հանձնարարված գործառույթը՝ Սահմանադրության պաշտպանությունը», - հասարակական կազմակերպությունները շնորհակալություն են հայտնում երկու դատավորներին՝ Գիորգի Կվերենչխիլաձեին և Թեյմուրազ Թուղուշին՝ իրենց տարբերվող կարծիքի համար։
Ինչպես նրանք են ասում, շարունակելու են պայքարել Վրաստանում ավտորիտարիզմի ու գրաքննության հաստատման դեմ։
«Մենք կշարունակենք ռուսական օրենքի դեմ դատական վեճը ինչպես երկրի ներսում, այնպես էլ միջազգային կառույցներում, և վրաց ժողովրդի աջակցությամբ մենք անպայման կհասնենք դրա վերջնական և անվերապահ վերացմանը»,- ասված է հասարակական կազմակերպությունների հայտարարության մեջ։
Վրաստանի Սահմանադրական դատարանի պլենումը 6 դեմ, 2 կողմ ձայներով համարել է, որ այսպես կոչված «օտարերկրյա գործակալների» մասին ռուսական օրենքը անմիջական վտանգ չի ներկայացնում լրատվամիջոցների և հասարակական կազմակերպությունների համար։ Ըստ այդմ՝ դատարանը հրաժարվել է կասեցնել վիճարկվող նորմերի գործողության ժամկետը մինչև գործով վերջնական որոշում կայացնելը։
