ՆԳ նախարարությունը Թբիլիսիի 5 տարբեր գիշերային ակումբներում ուշ գիշերին հատուկ գործողություն է իրականացրել, ինչի արդյունքում խարդախության և շորթման մեղադրանքով ձերբակալվել է 15 մարդ։
Լրահոս
Ընթերցողի ընտրանի
- 1 Թրամփի խոսքով՝ հանածոների վերաբերյալ համաձայնագիր ստորագրելու համար փետրվարի 28-ին կհանդիպի Զելենսկիի հետ
- 2 Իռլանդիայից արտաքսվել է Վրաստանի 32 քաղաքացի
- 3 Մեծ Բրիտանիայում Ուկրաինայի դեսպան Վալերի Զալուժնին ասել է, որ ԱՄՆ-ը «քանդում է» աշխարհակարգը
- 4 Հանրակրթական դպրոցներում առաջին դասարանցիների գրանցումը կսկսվի մարտի 10-ից
- 5 «Բիթքոյնի գործով» Բաչիաշվիլիի նկատմամբ կիրառված գրավը դատարանը փոխարինել է կալանքով
- 6 Այսպես կոչված բաճկոնների գործով Միխեիլ Սաակաշվիլին դատապարտվել է 9 տարվա ազատազրկման
Կենտրոնական քրեական ոստիկանության վարչության տնօրեն Թեյմուրազ Կուպատաձեի խոսքով՝ գիշերային ակումբներում օտարերկրյա քաղաքացիներից գումարներ են շորթվել։
«Ձերբակալվածներն օտարերկրյա քաղաքացիներից խաբեությամբ, հոգեբանական և տարբեր բռնի մեթոդներով գումար են շորթել։ Պատվիրված ապրանքների հաշիվը բերելիս մեկ զրո են ավելացրել։ Օրինակ, երբ հաճախորդները պատվիրել են 300 լարիի ապրանքներ, վճարման ժամանակ բերել են 3000 լարիի կտրոն»,- ասել է Կուպատաձեն հատուկ գործողության ժամանակ լրատվամիջոցներին տված հարցազրույցում։
Գործի նյութերի համաձայն՝ եթե հյուրը հրաժարվել է վճարել գումարը, գիշերային ակումբի աշխատակիցները նախ հոգեբանական ճնշում ու սպառնալիքներ են գործադրել նրանց նկատմամբ, ապա ֆիզիկական բռնության ենթարկել։
«Նրանք ունեին կազմակերպված խումբ, որը ղեկավարում էր բոլոր հինգ ակումբները։ Ձերբակալությունները շարունակվում են, և հնարավոր է բացահայտվեն նոր անձինք»,- նշել է Կուպատաձեն։
Գործը քննվում է Քրեական օրենսգրքի 180-րդ և 181-րդ հոդվածներով, որոնք վերաբերում են խարդախությանը և շորթմանը։ Հանցագործությունները պատժվում են մինչև 10 տարի ազատազրկմամբ։
