შინაგან საქმეთა სამინისტრომ გვიან ღამით თბილისის 5 სხვადასხვა ღამის კლუბში სპეცოპერაცია ჩაატარა, რის შედეგადაც, თაღლითობისა და თანხის გამოძალვის ბრალდებით 15 პირი დააკავეს.
ახალი ამბები
მკითხველის რჩეული
- 1 „ოცნების“ საარჩევნო ქოლცენტრები რეგიონებში და ზეწოლა ამომრჩევლებზე
- 2 თეთრიწყაროს მოსამართლემ 30 უბნის შედეგები გააუქმა ხმის ფარულობის დარღვევის გამო
- 3 Edison: ეგზიტპოლსა და ცესკოს შედეგებს შორის 13%-იანი სხვაობა მანიპულირებაზე მიუთითებს
- 4 „გვაქვს 81 ფაქტი და ეს სისტემურობაზე მიუთითებს“ - „ოცნება“ ოპოზიციას ხმების მოპარვაში ადანაშაულებს
- 5 არჩევნების დროს საქართველოში აშშ-ის მიერ სანქცირებული რუსი პროპაგანდისტი იმყოფებოდა
- 6 კორძაია ომბუდსმენს სთხოვს პასუხს, დაირღვა თუ არა ამომრჩევლის ხმის ფარულობა არჩევნებზე
ცენტრალური კრიმინალური პოლიციის დეპარტამენტის დირექტორის, თეიმურაზ კუპატაძის განცხადებით, ღამის კლუბებში უცხო ქვეყნის მოქალაქეებს თანხებს სძალავდნენ.
„დაკავებულები უცხო ქვეყნის მოქალაქეებს თაღლითურად, ფსიქოლოგიური და სხვადასხვა ძალადობრივი მეთოდებით თანხებს სძალავდნენ. შეკვეთილი პროდუქციის ანგარიში როდესაც მოჰქონდათ, ერთ ნულს უწერდნენ. მაგალითისთვის, როდესაც 300 ლარის პროდუქციას შეუკვეთავდნენ მომხმარებლები, ანგარიშსწორების დროს მიჰქონდათ 3000-ლარიანი ჩეკი“, - განაცხადა კუპატაძემ სპეცოპერაციის დროს მედიასთან ინტერვიუში.
საქმის მასალების მიხედვით, იმ შემთხვევაში თუ სტუმარი უარს აცხადებდა თანხის გადახდაზე, ღამის კლუბის თანამშრომლები მათზე ჯერ ფსიქოლოგიური ზეწოლას და მუქარას ახორციელებდნენ, ხოლო შემდეგ ფიზიკურადაც უსწორდებოდნენ.
„ამათ ჰყავდათ ორგანიზებული დაჯგუფება, რომელიც ხუთივე კლუბს მართავდა. დაკავებები გრძელდება და შესაძლებელია, გამოიკვეთონ ახალი ფიგურანტები“, - აღნიშნა კუპატაძემ.
საქმეზე გამოძიება სისხლის სამართლის კოდექსის 180-ე და 181-ე მუხლებით მიმდინარეობს, რაც თაღლითობას და გამოძალვას გულისხმობს. დანაშაულები 10 წლამდე ვადით თავისუფლების აღკვეთას ითვალისწინებს.
