Եվրահանձնաժողովի փոխնախագահ Մարգարիտի Սխինասը երկուշաբթի օրը՝ սեպտեմբերի 9-ին, կայցելի Երևան՝ Եվրամիության և Հայաստանի միջև վիզաների ազատականացման շուրջ քաղաքական երկխոսություն սկսելու համար։
Լրահոս
Ընթերցողի ընտրանի
- 1 Ես կտրականապես դեմ էի առանց վիզայի ռեժիմի կասեցմանը, բայց փոխեցի իմ դիրքորոշումը․ Ռոթ
- 2 Մառնեուլիի սակրեբուլոյի փոխնախագահը մի քանի քվեաթերթիկ է լցրել արկղի մեջ, ընտրատեղամասը փակվել է
- 3 ԿԸՀ-ի նախնական արդյունքներով՝ ընտրություններում 53%-ով առաջատարը «Վրացական երազանքն» է
- 4 «Ֆորմուլայի» և «Մթավարիի» էքզիթ փոլերով ընտրություններում հաղթում է ընդդիմությունը, ըստ «Իմեդիի»՝ «Երազանքը»
- 5 Նախագահը չի ճանաչում ընտրությունների արդյունքները. հոկտեմբերի 28-ին Ռուսթավելիում հավաք է նախատեսվում
- 6 Ժամը 17:00-ի դրությամբ ընտրողների մասնակցությունը 50,06 տոկոս է
Փոխնախագահ Սխինասը կհանդիպի Հայաստանի նախագահ Վահագն Խաչատուրյանի, վարչապետ Նիկոլ Փաշինյանի և ԱԳ նախարար Արարատ Միրզոյանի հետ՝ քննարկելու վիզային ռեժիմի ազատականացման երկխոսության մեկնարկը և գործընկերության օրակարգի այլ ասպեկտներ։
Եվրահանձնաժողովի մամուլի հաղորդագրության մեջ ասվում է, որ վիզային ռեժիմի ազատականացման երկխոսության մեկնարկը ԵՄ-ի և նրա անդամ երկրների կողմից ԵՄ-ի և Հայաստանի միջև առանց այն էլ ամուր գործընկերությունը խորացնելու վճռականության ուժեղ ազդանշան է:
«Այս երկխոսության նպատակն է վերջնականապես վերացնել ՀՀ քաղաքացիների համար վիզայի պահանջը ԵՄ կարճաժամկետ այցերի ժամանակ, այն բանից հետո, երբ Հայաստանի իշխանությունները էական բարեփոխումներ կիրականացնեն այնպիսի հիմնարար ոլորտներում, ինչպիսիք են ճամփորդական փաստաթղթերի անվտանգությունը, սահմանը, միգրացիան և ապաստանի կառավարումը, հասարակական կարգը և անվտանգությունը, տեղաշարժի ազատության հետ կապված հիմնարար իրավունքները»,- ասվում է Եվրահանձնաժողովի հայտարարության մեջ։
Հանձնաժողովը նաև նշում է, որ, ինչպես ցույց է տալիս երրորդ երկրների փորձը, Հայաստանի հետ այս երկխոսությունը բազմամյա գործընթաց է լինելու՝ իրականացվելու է ԵՄ անդամ երկրների հետ շատ սերտ համագործակցությամբ՝ բարեփոխումների առաջընթացը և զարգացումը վերահսկելու նպատակով։
