ევროკომისიის ვიცე-პრეზიდენტი მარგარიტის სხინასი ორშაბათს, 9 სექტემბერს, ერევანს ეწვევა, რათა ევროკავშირსა და სომხეთს შორის ვიზალიბერალიზაციის შესახებ პოლიტიკური დიალოგი დაიწყოს.
ახალი ამბები
მკითხველის რჩეული
- 1 „გამოვძებნით ძალას, რათა ბოდიში მოვიხადოთ“ - ივანიშვილი 2008 წლის ომზე
- 2 ვის მოვუხადოთ ბოდიში შინდისის გმირების ოჯახებმა? - გამოხმაურება ივანიშვილის განცხადებაზე
- 3 კობახიძემ დააკონკრეტა რომელი ოპოზიციური პარტიების აკრძალვას გეგმავს „ქართული ოცნება“
- 4 რასაც ახლა საქართველოს ხელისუფლება აკეთებს, ეროვნული იდენტობის გაცნობიერებაა - ლავროვი
- 5 მთავრობამ იუსტიციის სახლისთვის ფართი „ოცნების“ შემწირველისგან წლიურად 704 880 ლარად იქირავა
- 6 2025 წლიდან გიორგი მამარდაშვილი „ლივერპულის“ მეკარე გახდება
ვიცე-პრეზიდენტი სხინასი შეხვდება სომხეთის პრეზიდენტ ვაჰაგნ ხაჩატურიანს, პრემიერ-მინისტრ ნიკოლ ფაშინიანს და საგარეო საქმეთა მინისტრ არარატ მირზოიანს, რათა განიხილონ ვიზალიბერალიზაციის დიალოგის დაწყება და პარტნიორობის დღის წესრიგის სხვა ასპექტები.
ევროკომისიის მიერ გავრცელებულ პრესრელიზში ნათქვამია, რომ ვიზალიბერალიზაციის შესახებ დიალოგის დაწყება არის ძლიერი სიგნალი ევროკავშირისა და მისი წევრი ქვეყნების მხრიდან, მათი გადაწყვეტილების შესახებ, გააღრმავონ უკვე ძლიერი პარტნიორობა ევროკავშირსა და სომხეთს შორის.
„ამ დიალოგის მიზანია საბოლოოდ გაუქმდეს ვიზის ვალდებულება სომხეთის მოქალაქეებისთვის ევროკავშირში მოკლევადიანი სტუმრობის დროს, მას შემდეგ რაც სომხეთის ხელისუფლება განახორციელებს არსებით რეფორმებს ისეთ ძირითად სფეროებში, როგორიცაა სამგზავრო დოკუმენტების უსაფრთხოება, საზღვარი, მიგრაცია და თავშესაფრის მართვა, საზოგადოებრივი წესრიგი და უსაფრთხოება, გადაადგილების თავისუფლებასთან დაკავშირებული ძირითადი უფლებები“, - აცხადებს ევროკომისია.
კომისია ასევე აღნიშნავს, რომ როგორც სხვა მესამე ქვეყნების გამოცდილება აჩვენებს, სომხეთთან ეს დიალოგი იქნება მრავალწლიანი პროცესი, განხორციელდება ევროკავშირის წევრ ქვეყნებთან ძალიან მჭიდრო თანამშრომლობით რეფორმების პროგრესისა და განვითარების მონიტორინგის მიზნით.
