Հելսինկյան հանձնաժողովի նախագահ է նշանակվել սենատոր Ռոջեր Ուիկերը

Հելսինկյան հանձնաժողովի տարածած հայտարարության համաձայն՝ սենատոր Ուիկերը ստանձնում է նախագահությունը տրանսատլանտյան անվտանգության համար վճռորոշ պահին, երբ Ռուսաստանը Երկրորդ համաշխարհային պատերազմից ի վեր ամենամեծ պատերազմն է մղում Եվրոպայում՝ սպառնալով ոչ միայն Ուկրաինայի ապագային և անկախությանը, այլև Եվրոպայում ԱՄՆ դաշնակիցների և գործընկերների անվտանգությանն ու ինքնիշխանությանը։

«Հարավային Կովկասում Հայաստանն ու Ադրբեջանը սերունդների հնարավորություն ունեն հասնելու խաղաղության համաձայնագրի՝ տասնամյակների բռնություններից և ապստամբություններից հետո:

Մինչդեռ Վրաստանում ժողովրդավարությունը գտնվում է խաչմերուկում, քանի որ «Վրացական երազանք» կուսակցությունը ձգտում է երկիրը տանել դեպի Ռուսաստան և հեռու մնալ եվրաատլանտյան ինտեգրման իր ընտրած ուղուց», - ասվում է Հելսինկյան հանձնաժողովի հայտարարության մեջ:

Սենատոր Ուիկերը կոչ է անում պատժամիջոցներ սահմանել Իվանիշվիլիի, Կալաձեի և Կոբախիձեի դեմ։

Սենատոր Ռոջեր Ուիկերը Միսիսիպի նահանգը ներկայացնում է Միացյալ Նահանգների Սենատում 2007 թվականի դեկտեմբերից։ Հելսինկյան հանձնաժողովում աշխատում է 2009 թվականից։ 2017-2024 թվականներին եղել է ԵԱՀԿ Խորհրդարանական վեհաժողովի փոխնախագահը։ Ներկայումս 119-րդ Կոնգրեսում նա Սենատի Զինված ուժերի հանձնաժողովի նախագահն է։

Ինչ վերաբերում է հանրապետական ​​կոնգրեսական Ջո Ուիլսոնին, ով վերջերս աչքի է ընկնում «Վրացական երազանքի» հասցեին իր քննադատությամբ, նա կզբաղեցնի Հելսինկյան հանձնաժողովի համանախագահի պաշտոնը։