Սենատոր Ուիկերը կոչ է արել պատժամիջոցներ սահմանել Իվանիշվիլիի, Կալաձեի և Կոբախիձեի դեմ

«Ես կասեի, որ ժամանակն է, որ ԱՄՆ-ն ավելի վճռական և ժամանակին որոշում կայացնի։ Այս պահին կիսատ միջոցները սխալ ուղերձներ են:

Ուստի Բայդենի վարչակազմին կոչ եմ անում պատժամիջոցներ կիրառել «Վրացական երազանքի» առաջնորդների, այդ թվում՝ Բիձինա Իվանիշվիլիի, Կախա Կալաձեի և վարչապետ Կոբախիձեի դեմ։

Վրաստանը ազատասեր մարդկանց հայրենիքն է։ Նրանք ժամանակին եղել են Մոսկվայի վերահսկողության տակ, և նրանք չեն ցանկանում հետ գնալ»,- ասել է Ուիկերը։

Դեկտեմբերի 19-ին Միացյալ Նահանգների գանձապետարանը պատժամիջոցներ է կիրառել Վրաստանի ներքին գործերի նախարար Վախթանգ Գոմելաուրիի և ՆԳՆ Հատուկ առաջադրանքների վարչության փոխտնօրեն Միրզա Կեզևաձեի նկատմամբ։ Մինչ այդ՝ սեպտեմբերի 16-ին, ԱՄՆ-ը պատժամիջոցներ էր կիրառել Հատուկ առաջադրանքների վարչության տնօրեն Զվիադ Խարազիշվիլիի («Խարեբա») և նրա մեկ այլ տեղակալ Միլեր Լագազաուրիի նկատմամբ։ ԱՄՆ-ը նրանց պատասխանատու է համարում լրատվամիջոցների, ընդդիմության և ցուցարարների նկատմամբ դաժան և բռնի ճնշելու համար, այդ թվում՝ 2024 թվականի ցույցերի ժամանակ։

Ի պատասխան արևմտյան պատժամիջոցների, դեկտեմբերի 20-ին Իրակլի Կոբախիձեն Վախթանգ Գոմելաուրիին նշանակել է Վրաստանի փոխվարչապետ։

Ինչպես ասել է Կոբախիձեն, Միխեիլ Կավելաշվիլիի նախագահի պաշտոնում երդմնակալությունից հետո նա ոստիկանության բարձրաստիճան պաշտոնյաներին կհանձնի Պատվո շքանշան։ Բացի այդ, ըստ Կոբախիձեի, եթե նրանցից որևէ մեկը «ֆինանսական վնաս» կրի պատժամիջոցների պատճառով, պետությունը կփոխհատուցի նրանց։