ამერიკის შეერთებული შტატების სენატში გამოსვლის დროს, რესპუბლიკელმა სენატორმა როჯერ უიკერმა პრეზიდენტ ჯო ბაიდენის ადმინისტრაციას მოუწოდა, სანქციები დაუწესოს „ქართული ოცნების“ საპატიო თავმჯდომარე ბიძინა ივანიშვილს, გენერალურ მდივან კახა კალაძესა და საქართველოს არალეგიტიმურ პრემიერ-მინისტრს, ირაკლი კობახიძეს.
ახალი ამბები
მკითხველის რჩეული
- 1 რუსეთი ალეკო ელისაშვილს დაუსწრებლად ასამართლებს უკრაინაში ბრძოლისთვის
- 2 როგორ დაგეგმეს ლევან ჯანგველაძის შეკვეთილი მკვლელობა - პროკურატურამ 5 პირს ბრალი წარუდგინა
- 3 დასკვნითი სხდომის პარალელურად, ბათუმში მზია ამაღლობელის მხარდამჭერი აქცია იმართება
- 4 „ქართულმა ოცნებამ“ 63 მუნიციპალიტეტში მერობის კანდიდატები წარადგინა
- 5 სახელმწიფო დეპარტამენტის ანგარიში: „ტიტუშკები“, თავდასხმები მედიაზე და დაუსჯელობა
- 6 მნიშვნელოვანია, საქართველოს ხელისუფლების აღიარება საქმედ იქცეს – ზახაროვა აგვისტოს ომზე
„მე ვიტყოდი, რომ დროა შეერთებულმა შტატებმა უფრო გადამწყვეტი და დროული გადაწყვეტილების დემონსტრირება მოახდინოს. ნახევარი ზომები ამ ეტაპზე არასწორი გზავნილია.
ამიტომ მოვუწოდებ ბაიდენის ადმინისტრაციას სანქციები დააწესოს „ქართული ოცნების“ ლიდერების, მათ შორის ბიძინა ივანიშვილის, კახა კალაძისა და პრემიერ-მინისტრ კობახიძის წინააღმდეგ.
საქართველო თავისუფლებისმოყვარე ხალხის სამშობლოა. ისინი ოდესღაც იყვნენ მოსკოვის კონტროლის ქვეშ და უკან დაბრუნება არ უნდათ“, - განაცხადა უიკერმა.
19 დეკემბერს, ამერიკის შეერთებული შტატების ხაზინის დეპარტამენტმა, გლობალური მაგნიტსკის აქტის ფარგლებში, საქართველოს შინაგან საქმეთა მინისტრი ვახტანგ გომელაური და შსს-ს განსაკუთრებულ დავალებათა დეპარტამენტის (გდდ) დირექტორის მოადგილე მირზა კეზევაძე დაასანქცირა. მანამდე, 16 სექტემბერს, აშშ-მა სანქციები დაუწესა გდდ-ის დირექტორ ზვიად ხარაზიშვილსა („ხარება“) და მის კიდევ ერთ მოადგილეს მილერი ლაგაზაურს. აშშ მათ აკისრებს პასუხისმგებლობას მედიის, ოპოზიციისა და მომიტინგეების სასტიკ და ძალადობრივ დარბევაზე, მათ შორის, 2024 წლის დემონსტრაციების დროს.
დასავლეთის სანქციების საპასუხოდ, 20 დეკემბერს, ირაკლი კობახიძემ ვახტანგ გომელაური ვიცე-პრემიერის თანამდებობაზე დანიშნა.
როგორც კობახიძემ განაცხადა, პოლიციის მაღალჩინოსნებს, პრეზიდენტად მიხეილ ყაველაშვილის ინაუგურაციის შემდეგ, ღირსების ორდენზე წარადგენს. გარდა ამისა, კობახიძის თქმით, თუ სანქციების გამო რომელიმე მათგანს „ფინანსური დანაკლისი“ წარმოექმნება, მას სახელმწიფო აანაზღაურებს.
