Ինչ սահմանափակումներ են գործում ավտոճանապարհներին փետրվարի 7-ին

Առատ ձյան և ցածր ջերմաստիճանի պատճառով Վազիանի-Գոմբորի-Թելավի ավտոճանապարհի 30-50 կմ (Գոմբորի գյուղ-Շուա Մթայի վանքի շրջադարձ) հատվածում թույլատրվում է թեթև տրանսպորտային միջոցների երթևեկությունը հակասողանքային շղթաներով: Ամենագնաց մեքենաների (երկու և ավելի շարժման կամուրջներով) տեղաշարժն ազատ է։

Ինտենսիվ ձյան և ցածր ջերմաստիճանի պատճառով Թիանեթի-Ախմետա-Կվարելի-Նինիգորի ավտոճանապարհի 1-30 կմ հատվածում արգելվում է կցորդների, կիսակցորդների և 30 նստատեղից ավելի տարողությամբ ավտոբուսների երթևեկությունը, իսկ այլ տեսակի տրանսպորտային միջոցների երթևեկությունը թույլատրվում է հակասողանքային շղթաներով։ Ամենագնաց մեքենաների (երկու և ավելի շարժման կամուրջներով) տեղաշարժն ազատ է։

Առատ ձյան, մերկասառույցի և ցածր տեսանելիության պատճառով միջազգային նշանակության Խաշուրի-Ախալցիխե-Վալե ճանապարհահատվածում արգելվում է կցորդներով և կիսակցորդներով տրանսպորտային միջոցների տեղաշարժը, իսկ մյուս տեսակի ավտոմոբիլների տեղաշարժն ազատ է։

Բարդ օդերևութաբանական պայմանների պատճառով (ձյուն, բուք, ցածր տեսանելիություն) միջազգային նշանակության Ախալցիխե-Նինոծմինդա ավտոճանապարհի 90-112 կմ հատվածում, ինչպես նաև միջազգային նշանակության Ախալքալաք-Կարծախ ավտոճանապարհի 1-36,5 կմ հատվածում արգելվում է կցորդների, կիսակցորդների և ավելի քան 30 նստատեղ ունեցող ավտոբուսների տեղաշարժը, իսկ այլ տեսակի տրանսպորտային միջոցների համար տեղաշարժն ազատ է։

Ինտենսիվ ձյան պատճառով արգելվում է կցորդների և կիսակցորդների երթևեկությունը Քութայիսի (Մոծամեթա)-Տղիբուլի-Ամբրոլաուրի ավտոճանապարհի 39-62 կմ (Նաքերալայի լեռնանցք) և Սաչխերեի (Սարեկի)-Ուզունտա-Շքմերի-Զուդալի հատվածում։ Այլ տեսակի տրանսպորտային միջոցների համար տեղաշարժն ազատ է։ Ճանապարհի մնացած հատվածներում տրանսպորտային միջոցների երթևեկությունն ազատ է։

Սաստիկ ձյան և ցածր ջերմաստիճանի պատճառով Գոմի-Սաչխերե-Ճիաթուրա-Զեստափոնի ավտոճանապարհի 1-52 կմ (Գոմի-Սաչխերե) հատվածում արգելվում է կցորդով և կիսակցորդով տրանսպորտային միջոցների տեղաշարժը, իսկ այլ տեսակի ավտոմեքենաների տեղաշարժն ազատ է։

Ինտենսիվ ձյան և ցածր ջերմաստիճանի պատճառով Ժինվալի-Բարիսախո-Շատիլի ավտոճանապարհի 31-66 հատվածում (Չարգլիի շրջադարձ-Բիսո) ձնահյուսի վտանգի աստիճանը բարձր է, ինչի պատճառով բոլոր տեսակի ավտոմեքենաների երթևեկությունն արգելված է նշված հատվածում: Ավտոմոբիլային երթևեկությունն ազատ է 1-31 կմ ավտոճանապարհին (Ժինվալի-Չարգլի շրջադարձ):

Քութայիսի (Ծղալտուբո շրջադարձ)-Ծկալտուբո-Ցագերի-Լենտեխի-Լասդիլի ավտոճանապարհի 125-151 հատվածում (Մելե-Լասդիլի) արգելված է բոլոր տեսակի ավտոմեքենաների երթևեկությունը: Նույն ավտոճանապարհի 99-125 կմ հատվածում (Ճվելիերի-Մելե) արգելվում է կցորդով և կիսակցորդով ավտոմոբիլային տրանսպորտային միջոցների տեղաշարժը։

Ձյան առատ տեղումների և ձնահոսքի վտանգի պատճառով Զուգդիդի-Ջվարի-Մեստիա Լասդիլ ավտոճանապարհի 177-186 (Կալա-Ուշգուլի) հատվածում արգելվում է բոլոր տեսակի ավտոմեքենաների երթևեկությունը։ Միաժամանակ ավտոճանապարհի 30-177 (Ջվարի-Կալա) հատվածում արգելվում է կցորդով, կիսակցորդով և 30 նստատեղից ավելի տարողությամբ ավտոբուսների երթևեկությունը։ Իսկ 70-177 կմ (Խաիշի-Կալա) հատվածում թույլատրվում է թեթև տրանսպորտային միջոցների երթևեկությունը հակասողանքային շղթաներով։ Ամենագնացների երթևեկությունն ազատ է։ Ավտոճանապարհի 1-30 կմ (Զուգդիդի-Ջվարի) հատվածում ավտոմեքենաների երթևեկությունն ազատ է։