Հացադուլի 13-րդ օրը Թբիլիսիում արտահանձնման կալանքի տակ գտնվող ադրբեջանցի լրագրող Աֆղան Սադիգովի առողջական վիճակը վատացել է։ Սադիգովը բողոքի ծայրահեղ միջոցի է դիմել այն բանից հետո, երբ Միգրացիոն դեպարտամենտը մերժել է իրեն միջազգային պաշտպանություն տրամադրել։ Ըստ իրավապաշտպանների՝ բանտարկյալի համար դժվար է շարժվել, խոսել և կենտրոնանալ։
Լրահոս
Ընթերցողի ընտրանի
- 1 Գուդաուրիի հնդկական ռեստորաններից մեկում հայտնաբերվել է 12 մարդու դի
- 2 Կոբախիձեի խոսքով՝ պետական ծառայողները և ուսուցիչները ընթերցանության ընկալման խնդիր ունեն
- 3 Խորհրդարանն այլևս գոյություն չունի, քանի որ մի կուսակցություն տապալեց սահմանադրությունը. Զուրաբիշվիլի
- 4 Եվրախորհրդարանը պահանջում է պատժամիջոցների ենթարկել «Երազանքի» առաջնորդներին և նոր ընտրություններ անցկացնել Վրաստանում
- 5 Նախագահի թեկնածու Միխեիլ Կավելաշվիլին բարձրագույն կրթություն չունի
- 6 Ցույցերի ժամանակ Թբիլիսիում է գտնվել Ռուսաստանի ոստիկանական արհմիությունների ասոցիացիայի ղեկավարը
Հոկտեմբերի 2-ին «Իրավունքներ Վրաստանի» փաստաբան Ռուսուդան Մճեդլիշվիլին այցելել է Սադիգովին կալանավայրում։
«Չնայած նրա [Սադիգովի] մերժմանը, մենք, այնուամենայնիվ, խնդրեցինք տեղափոխել բանտի բժշկական կենտրոն, քանի որ վերջին մի քանի օրվա ընթացքում նրա առողջական վիճակը իսկապես վատացել է։ Նա հացադուլի մեջ է սեպտեմբերի 21-ից այն բանից հետո, երբ միգրացիոն ծառայությունը մերժեց միջազգային պաշտպանությունը։ Մենք բանտարկյալի վիճակի մասին տեղեկատվություն ենք տրամադրել հանրային պաշտպանին և բանտի վարչակազմին, որպեսզի նրան տեղափոխեն բանտի բուժհաստատություն և հետազոտեն, սպասում ենք պատասխանի»,- «Վրաստանի լուրերին» ասել է Ռուսուդան Մճեդլիշվիլին։
Սեպտեմբերի 16-ին ՆԳՆ միգրացիոն վարչությունը հրաժարվել է քաղաքական ապաստան տրամադրել Աֆղան Սադիգովին։ Բանտարկյալին են հանձնվել ադրբեջաներենով փաստաթղթեր։ Իրավապաշտպանները խնդրել են որոշման վրացերեն պատճենները։ Նրանց տեղեկություններով՝ գերատեսչության փաստարկն այն է, որ իբր Ադրբեջանի իշխանությունները չեն կիրառել անմարդկային վերաբերմունք, խոշտանգումներ, մարդու իրավունքների խախտման էական փաստեր չկան։
«Միգրացիոն վարչությունն անդրադառնում է նաև Ադրբեջանի իշխանությունների կողմից կազմված դիվանագիտական երաշխիքին, որը մեզ դեռ հասանելի չէ։ Մենք չգիտենք, թե ինչ տեղեկատվություն է պարունակում այս փաստաթուղթը։ Մենք նույնպես դա կպահանջենք և մինչև հոկտեմբերի 16-ը կբողոքարկենք նշված որոշումը»,- ասել է Ռուսուդան Մճեդլիշվիլին։
Ադրբեջանի կառավարությանը քննադատող, Azel.Tv-ի գլխավոր խմբագիր Աֆղան Սադիգովը, ով 2023 թվականի դեկտեմբերից կնոջ և երկու անչափահաս երեխաների հետ ապրում էր Թբիլիսիում, օգոստոսի 3-ին ձերբակալվել է ՆԳՆ-ի կողմից։ Հաջորդ օրը դատարանը նրան դատապարտել է եռամսյա արտահանձնման կալանքի։ Սադիգովի կինը և իրավապաշտպանները նշում են, որ Ադրբեջան արտահանձնվելու դեպքում նա ենթարկվելու է խոշտանգումների և անմարդկային վերաբերմունքի։
Այս թեմայով՝
Վրաստանի իշխանություններին կոչ են արել Աֆղան Սադիգովին չհանձնել Ադրբեջանին
