Լիտվայի արտաքին գործերի նախարար Գաբրիելիուս Լանդսբերգիսը հրապարակել է վրացի պաշտոնյաների ցուցակը, որոնց նկատմամբ Լիտվայի կողմից վիզային պատժամիջոցներ են սահմանվել։
Լրահոս
Ընթերցողի ընտրանի
- 1 Ես կանեմ ամեն ինչ, որպեսզի Իվանիշվիլին կորցնի ամենաթանկը՝ փողն ու իշխանությունը. Գախարիա
- 2 Թբիլիսիի քաղաքապետարանը խուսափում է 16-ամյա տղայի մահվան դեպքի համար պատասխանատվությունից
- 3 Ալիևը Հայաստանը անվանել է «ֆաշիստական պետություն» և ասել, որ «ֆաշիզմը պետք է ոչնչացվի»
- 4 Թրամփը առավելագույն ճնշում է գործադրելու Իրանի և Իրանի դաշնակից Իվանիշվիլիի ռեժիմի վրա․ Ուիլսոն
- 5 Բաթումիում խմբով հարձակվել են Գիորգի Գախարիայի վրա
- 6 ԱՄՆ Կոնգրեսում կրկին ներկայացվել է երկկուսակցական «MEGOBARI Act»-ը
Մասնավորապես, Լիտվայի տարածք մուտք չեն կարող գործել «Վրացական երազանքի» պատվավոր նախագահ Բիձինա Իվանիշվիլին, ՆԳ նախարար Վախթանգ Գոմելաուրին, ներքին գործերի փոխնախարարներ Շալվա Բեդոիձեն, Իոսեբ Չելիձեն, Ալեքսանդր Դարախվելիձեն և Գիորգի Բուտխուզին, ՆԳՆ հատուկ հանձնարարությունների վարչության տնօրեն Զվիադ Խարազիշվիլին և նրա տեղակալները՝ Միլեր Լագազաուրին և Միրզա Կեզևաձեն, Պարեկային ոստիկանության վարչության տնօրեն Վաժա Սիրաձեն, Քրեական ոստիկանության վարչության տնօրեն Թեյմուրազ Կուպատաձեն։
Ինչպես գրում է Գաբրիելիուս Լանդսբերգիսը, թվարկված անձինք պատասխանատվություն են կրում մարդու իրավունքների խախտումների համար։
Երեկ՝ դեկտեմբերի 1-ին, Բալթյան երեք երկրների՝ Լիտվայի, Էստոնիայի և Լատվիայի արտգործնախարարները հայտարարություն են տարածել, որում ասվում է, որ համաձայնել են ազգային մակարդակով պատժամիջոցներ սահմանել Վրաստանում լեգիտիմ բողոքի ցույցերը ճնշողների դեմ։
