ლიეტუვის საგარეო საქმეთა მინისტრმა, გაბრიელიუს ლანდსბერგისმა გამოაქვეყნა საქართველოს იმ თანამდებობის პირთა ჩამონათვალი, ვისაც ლიეტუვამ სავიზო სანქციები დაუწესა.
ახალი ამბები
მკითხველის რჩეული
- 1 სტრასბურგის სასამართლომ გელა მთივლიშვილის საქმის არსებითი განხილვა დაიწყო
- 2 გლდანის ციხის ყოფილი დირექტორი დავით გოგობერიშვილი გარდაცვლილი იპოვეს
- 3 კობახიძე: სასურველი არ არის, მოსწავლემ პირველივე კურსიდან უცხოეთში განაგრძოს სწავლა
- 4 ბერლინში მოკლული ზელიმხან ხანგოშვილის ძმას და ნათესავებს გერმანია დაატოვებინეს
- 5 ღარიბაშვილის, ლილუაშვილის და ფარცხალაძის სახლებში ჩხრეკა ჩატარდა
- 6 4 ოქტომბრის საქმეზე დაკავებული 13 პირის ვინაობა ცნობილია
კერძოდ, ლიეტუვის ტერიტორიაზე ვეღარ შევლენ „ქართული ოცნების“ საპატიო თავმჯდომარე ბიძინა ივანიშვილი, შინაგან საქემთა მინისტრი ვახტანგ გომელაური, შინაგან საქმეთა მინისტრის მოადგილეები შალვა ბედოიძე, იოსებ ჭელიძე, ალექსანდრე დარახველიძე და გიორგი ბუთხუზი, შსს-ს განსაკუთრებულ დავალებათა დეპარტამენტის დირექტორი ზვიად ხარაზიშვილი და მისი მოადგილეები - მილერი ლაგაზაური და მირზა კეზევაძე, საპატრულო პოლიციის დეპარტამენტის დირექტორი ვაჟა სირაძე, კრიმინალური პოლიციის დეპარტამენტის დირექტორი თეიმურაზ კუპატაძე.
როგორც გაბრიელიუს ლანდსბერგისი წერს, ჩამოთვლილ პირებს ეკისრებათ პასუხისმგებლობა ადამიანის უფლებების დარღვევაზე.
გუშინ, 1-ელ დეკემბერს, ბალტიის სამი ქვეყნის, ლიეტუვის, ესტონეთისა და ლატვიის საგარეო საქმეთა მინისტრებმა განცხადება გაავრცელეს, სადაც ნათქვამი იყო, რომ შეთანხმდნენ ეროვნული სანქციების დაწესებაზე მათ წინააღმდეგ, ვინც საქართველოში ლეგიტიმური საპროტესტო აქციები ჩაახშო.
