Նախագահ Սալոմե Զուրաբիշվիլին ասել է, որ անցյալ տարվա դեկտեմբերին Վրաստանին ԵՄ անդամակցության թեկնածու երկրի կարգավիճակ շնորհելը «որոշ չափով առաջացրել է Ռուսաստանի զայրույթը», և Մոսկվան «անկասկած խնդրել կամ պահանջել է Վրաստանի օրեցօր աճող ռուսամետ իշխանություններից ցույց տալ, թե որ կողմից են նրանք գործում»:
Լրահոս
Ընթերցողի ընտրանի
- 1 Ես կտրականապես դեմ էի առանց վիզայի ռեժիմի կասեցմանը, բայց փոխեցի իմ դիրքորոշումը․ Ռոթ
- 2 Մառնեուլիի սակրեբուլոյի փոխնախագահը մի քանի քվեաթերթիկ է լցրել արկղի մեջ, ընտրատեղամասը փակվել է
- 3 ԿԸՀ-ի նախնական արդյունքներով՝ ընտրություններում 53%-ով առաջատարը «Վրացական երազանքն» է
- 4 «Ֆորմուլայի» և «Մթավարիի» էքզիթ փոլերով ընտրություններում հաղթում է ընդդիմությունը, ըստ «Իմեդիի»՝ «Երազանքը»
- 5 Նախագահը չի ճանաչում ընտրությունների արդյունքները. հոկտեմբերի 28-ին Ռուսթավելիում հավաք է նախատեսվում
- 6 Ժամը 17:00-ի դրությամբ ընտրողների մասնակցությունը 50,06 տոկոս է
«Թեկնածուի կարգավիճակ ստանալուց հետո, գործնականում հունվարից, մենք ունենք հակաեվրոպական և հակաարևմտյան հռետորաբանության ալիքներ, որոնք սկսվել են ավելի վաղ։ Թբիլիսիում եղան քննադատություններ դեսպանների հասցեին, բայց դա շատ ավելի պաշտոնական, ֆորմալ բնույթ ստացավ պարոն Իվանիշվիլիի գլխավորությամբ, ով գործնականում պատերազմ հայտարարեց մեր 30 տարվա գործընկերներին և բարեկամներին, որպեսզի կանգներ Մոսկվայի կողքին՝ մեղադրելով մեր գործընկերներին, որոնք ներգրավված են վրացական պետության, վրացական բանակի, ոստիկանության կազմավորման մեջ, իբր թե նրանք ուզում էին երկրորդ ճակատ բացել Վրաստանում։ Կարծես Եվրոպան և Ամերիկայի Միացյալ Նահանգները փնտրում էին ճգնաժամի նոր թատերաբեմ, մինչդեռ մեր տարածաշրջանում միակ երկիրը, որը նոր ճակատներ է բացում իր բոլոր հարևանների դեմ, Ռուսաստանն է և միշտ եղել է նա»,- ասել է Զուրաբիշվիլին։
Ինչպես նշել է Վրաստանի նախագահը, թեկնածուի կարգավիճակն արագացրել է Ուկրաինան, քանի որ առանց ուկրաինացիների պայքարի «Եվրոպայից ավելի շատ ժամանակ կպահանջվեր Եվրոպային սպասող երկրներին ավելի բաց երևալու համար»։
Միևնույն ժամանակ, Զուրաբիշվիլին քննադատել է Վրաստանի իշխող կուսակցությանը, «Վրացական երազանքին»՝ Ուկրաինայում շարունակվող պատերազմն ընտրական նպատակներով օգտագործելու համար և ասել, որ ցնցված է այդ քայլից։
«Վրաստանում այսօր իշխանության գլուխ կանգնած կառավարությունը համարեց, որ այս նախընտրական քարոզարշավի համար լավ գաղափար է Թբիլիսիի փողոցներում պաստառներ տեղադրել, որտեղ կողք կողքի երևում է Մարիուպոլի թատրոնը, որտեղ մենք գիտենք, թե քանի երեխա մահացավ, և վերականգնված թատրոնը Վրաստանում, Ուկրաինայում ավերված տաճարը և Թբիլիսիի սրտում գտնվող Սամեբայի տաճարը:
Սա առաջացրել է ողջ Վրաստանի վրդովմունքը, ինչը ցույց է տալիս, որ մենք ճիշտ ուղու վրա ենք և կարող ենք լավատես լինել։ Դա վրդովմունք առաջացրեց «Վրացական երազանքի» մնացած կողմնակիցների շրջանում, «Վրացական երազանքի», որը (ասել եմ և նորից կասեմ) դարձել է վրացական մղձավանջ։ Այսպիսով, այս մոտեցումը հակասում է ավանդույթներին, մշակույթին, վրացական մարդասիրությանը, ինչը ստիպում է մեզ մտածել, որ մենք ընդհանուր արժեքներ ունենք Եվրոպայի հետ և հենց այդ արժեքների շնորհիվ է, որ մենք ունենք եվրոպական ճակատագիր»,- ասել է Սալոմե Զուրաբիշվիլին։
Սեպտեմբերի 27-ին՝ Սոխումիի անկման օրը, Սալոմե Զուրաբիշվիլին Ֆրանսիայի խորհրդարանում ներկա է գտնվել «Մոռացված զոհը. Մինչև Բուչան, Աբխազիան էր» վավերագրական ֆիլմի ցուցադրությանը։ Այս հայտարարությունները նա արել է ցուցադրությունից հետո տեղի ունեցած քննարկման ժամանակ։
