Ձերբակալվել է անձ, որը գումարի դիմաց քաղաքացիներին առաջարկել է Մեքսիկայից ԱՄՆ տեղափոխել

ՆԳՆ-ի տեղեկություններով՝ 1974 թվականին ծնված, նախկինում դատապարտված, ներկայումս պայմանական պատժի մեջ գտնվող Կ.Թ.-ն մեղադրվում է խարդախության մեջ։

«Հետաքննությամբ պարզվել է, որ մեղադրյալը 7 000 ԱՄՆ դոլարի դիմաց խոստացել է Վրաստանի քաղաքացիներին Մեքսիկայի տարածքով ապօրինի տեղափոխել Ամերիկայի Միացյալ Նահանգների տարածք, նրանցից նախապես վերցրել է գումարը և չի կատարել խոստումները։

Ընդհանուր առմամբ, հանցավոր արարքի արդյունքում Կ.Թ.-ն խաբեությամբ յուրացրել է քաղաքացիներին պատկանող 23 900 ԱՄՆ դոլարը և 2600 եվրոն»,- հայտնում են նախարարությունից։

Գործով հետաքննությունն ընթանում է Քրեական օրենսգրքի 180-րդ հոդվածի 3-րդ մասի «բ» ենթակետով։ Մեղավոր ճանաչվելու դեպքում կալանավորին սպառնում է 6-ից 9 տարվա ազատազրկում։