Ներքին գործերի նախարարության քրեական ոստիկանության կենտրոնական վարչության աշխատակիցները ձերբակալել են Նոր թատրոնի 28-ամյա դերասան Անդրո Ճիճինաձեին։ Դերասանը ընդդիմության առաջնորդներից մեկի՝ «Դրոա» կուսակցության նախագահ Էլենե Խոշտարիայի մորաքրոջ որդին է և վերջին շաբաթվա ընթացքում մասնակցել է Ռուսթավելիի պողոտայում տեղի ունեցած բողոքի ակցիաներին։ Նա ձերբակալվել է այսօր՝ դեկտեմբերի 5-ին, իր տանը։
Լրահոս
Ընթերցողի ընտրանի
- 1 Եվրոպական խորհրդարանը 490 ձայնով ընդունել է Վրաստանի վերաբերյալ ևս մեկ քննադատական բանաձև
- 2 Իսրայելը հարվածել է Իրանի միջուկային ենթակառուցվածքին
- 3 Դատարանը Ադրբեջանում ձերբակալված Ռուսաստանի քաղաքացիներին դատապարտել է նախնական կալանքի
- 4 «Վրացական երազանքի» էկոնոմիկայի նախարար Լևան Դավիթաշվիլին ազատվել է պաշտոնից
- 5 Դատարանը Նիկա Գվարամիայի նկատմամբ կալանք է կիրառել
- 6 Հայաստանում պետական հեղաշրջման գործով ձերբակալվել է Վահագն Չախալյանը
ՆԳՆ-ի տվյալներով՝ Թբիլիսիում և Իմերեթիի շրջանում բռնի գործողություններ կազմակերպելու, ղեկավարելու, մասնակցելու և հրապարակայնորեն կոչ անելու մեղադրանքով ձերբակալվել է 5 անձ։
«Համալիր քննչական գործողությունների արդյունքում պարզվել է, որ ամբաստանյալները Ռուսթավելիի պողոտայում ընթացող գործողությունների ժամանակ չեն ենթարկվել և դիմադրել են ՆԳՆ աշխատակիցներին, ինչպես նաև ակտիվորեն մասնակցել են խմբակային բռնություններին և տարբեր առարկաներ նետել ոստիկանների ուղղությամբ։
Մեղադրյալների անձնական և բնակելի տներում խուզարկությամբ իրավապահները որպես ապացույց առգրավել են բջջային հեռախոսներ, համակարգչային տեխնիկա, զինվորական հագուստ, հակագազ։
Նաև ընթացող հետաքննության շրջանակում, անհետաձգելի անհրաժեշտությամբ խուզարկություն է կատարվել Թբիլիսիում 4 անձի բնակարանում, որտեղից իրավապահները առգրավել են հրազեն, մեծ քանակությամբ գումար, հիշողության քարտեր և համակարգչային տեխնիկա», - ասված է ՆԳՆ տարածած հաղորդագրության մեջ։
Նախաքննությունը տարվում է Քրեական օրենսգրքի 225-րդ հոդվածի 1-ին և 2-րդ մասերով և 239-րդ հոդվածի առաջին մասերով, ինչը նշանակում է խմբակային բռնություն կազմակերպելը, ղեկավարելը կամ մասնակցելը և հրապարակայնորեն բռնի գործողությունների կոչ անելը։ Հանցագործությունները պատժվում են մինչև 9 տարի ազատազրկմամբ։
