Ձերբակալվել է Գիորգի Բաչիաշվիլին

«2025 թվականի մայիսի 26-ին անանուն հաղորդագրությունից հայտնի է դարձել, որ դատապարտված Գիորգի Բաչիաշվիլին, ով հանդիսանում է Վրաստանի և Ռուսաստանի Դաշնության երկքաղաքացի և հետախուզվում է կարմիր շրջաբերականով, տեղաշարժվում է, այսպես կոչված, Կանաչ սահմանի հատվածում՝ Կարմիր կամրջի և Սադախլոյի միջև։

Ձեռնարկված քննչական և օպերատիվ-հետախուզական միջոցառումների արդյունքում վերոնշյալ անձը ձերբակալվել է։

Հետաքննությունը վարում է Պետական ​​անվտանգության ծառայության կոռուպցիայի դեմ պայքարի գործակալությունը՝ Վրաստանի քրեական օրենսգրքի 344-րդ հոդվածի 1-ին մասի համաձայն, որը վերաբերում է սահմանի անօրինական հատմանը և նախատեսում է երեքից հինգ տարվա ազատազրկում», - հայտնել են ՊԱԾ-ից։

Գիորգի Բաչիաշվիլին գաղտնի լքել է Վրաստանը մարտի 4-ին։ ՆԳՆ քննության համաձայն՝ Բաչիաշվիլին Հայաստան է տեղափոխվել մեքենայում գտնվող թաքստոցից օգտվելով, իսկ այնտեղից՝ ռուսական անձնագրով մեկնել է այլ երկիր։

Մարտի 10-ին նա հեռակա կարգով դատապարտվել է 11 տարվա ազատազրկման «կրիպտոարժույթի գործով»։ Բաչիաշիշվիլիին դատի է տվել «Վրացական երազանքի» հիմնադիր և պատվավոր նախագահ Բիձինա Իվանիշվիլին։ Դատախազության տվյալներով՝ Բաչիաշվիլին Բիձինա Իվանիշվիլիին փոխանցել է ընդամենը 536 900 ԱՄՆ դոլար՝ ներդրումից ստացված ամբողջ շահույթի դիմաց, իսկ ներդրողին պատկանող մնացած 8 986 բիթքոյնները յուրացրել է, որոնց արժեքը ձեռքբերման պահին կազմել է շուրջ 43 միլիոն ԱՄՆ դոլար։ Գիորգի Բաչիաշվիլին իրեն մեղավոր չի համարում։

Երեկ՝ մայիսի 26-ին, բրիտանական The Guardian թերթում հրապարակված հոդվածում Բաչիաշվիլին խոսել է սպանության պատվերի, փախուստի մանրամասների և Իվանիշվիլիի կյանքը երկարացնելու փորձի մասին։

Բաչիշվիլիի ձերբակալությունից հետո նրա օտարերկրյա փաստաբանները հայտարարել են, որ «Համաներդրումային հիմնադրամի» նախկին ղեկավարը բռնի ուժով վերադարձվել է Վրաստան և նրան կարող են խոշտանգել։