Նախագահ Սալոմե Զուրաբիշվիլին չի ստորագրում պաշտպանության նախկին նախարար Ջուանշեր Բուրչուլաձեի՝ ՆԱՏՕ-ում Վրաստանի դեսպան նշանակելու մասին որոշումը։

Լրահոս

Ընթերցողի ընտրանի

«Նախագահը չի ստորագրում ԱԳՆ-ի կողմից առաջադրված դեսպաններին, թեև այդ ծրագրերը չեն փոխվել։ Ես պատրաստ եմ դիվանագիտության մեջ ևս մեկ անգամ ծառայել մեր երկրին։ Շփման մեջ եմ արտաքին գործերի նախարարի հետ։ Մենք դիտարկում ենք նաև դեսպանություն այլ երկրում, իհարկե, կրկին գործընկեր երկրներում, և ես հնարավորինս կօգտագործեմ իմ ռեսուրսները գործընկերների հետ հարաբերությունները խորացնելու համար»,- ասել է Բուրճուլաձեն «Մթավարի արխիին» տված հարցազրույցում։

Պաշտպանության նախկին նախարարի խոսքով՝ արտաքին գործերի նախարարությունը նախագահին այլևս դեսպանների թեկնածություններ չի ներկայացնելու. «Նախագահը չի ստորագրում առաջադրված դեսպանների թեկնածությունները, ուստի, որքան գիտեմ, նրանք այլևս չեն ներկայացնի [թեկնածուներ]։ Մինչ այդ էլ գործընթացը կձգձգվեր նախագահի կողմից, իսկ վերջերս նա ընդհանրապես չի ստորագրում դեսպանների նշանակման որոշումները»,- նշել է Բուրճուլաձեն։

Ջուանշեր Բուրճուլաձեն Իրակլի Կոբախիձեի վարչապետի պաշտոնում առաջադրվելուց հետո լքել է պաշտպանության նախարարի պաշտոնը և հայտնել, որ դիտարկում է դիվանագիտական ​​ծառայությունում աշխատանքը շարունակելու հնարավորությունը։ «Առաջարկ եմ ստացել, որի համար շնորհակալություն եմ հայտնում նոր վարչապետին՝ դիտարկել ՆԱՏՕ-ում դեսպանի պաշտոնը։ Դա կլինի չորս ամիս հետո: Հավանաբար կընդունեմ այս պաշտոնը, չնայած մտածելու ժամանակ ունեմ։ Այս չորս ամիսն ինձ համար կլինի, այսպես ասած, հանգստի շրջան այս 13-ամյա քաղաքացիական ծառայությունից, և ես նաև որոշում կկայացնեմ՝ շարունակե՞լ դիվանագիտական ​​ծառայությունը, թե՞ ոչ»,- փետրվարի 1-ին ասել է Բուրճուլաձեն։

2020 թվականի մայիսից ՆԱՏՕ-ում Վրաստանի արտակարգ և լիազոր դեսպանի պաշտոնը զբաղեցնում է Վիկտոր Դոլիձեն։

Վրաստանի լուրեր
Վրաստանի լուրեր
Անկախ, հասարակական-քաղաքական առցանց հրատարակություն: Կայքը ղեկավարում է Տեղեկատվական ռեսուրսների ցանցը (IRN):