Վրաստանի կառավարությունը հաստատել է ռազմավարական և/կամ հատուկ օբյեկտների ցանկը, որոնց արգելափակումը կհանգեցնի քրեական պատասխանատվության։ Վարչապետ Իրակլի Կոբախիձեի ստորագրած որոշումը հրապարակվել է խորհրդարանական ընտրություններից երեք օր առաջ՝ հոկտեմբերի 23-ին։ Նշված ցուցակում ներառված է նաև Կենտրոնական ընտրական հանձնաժողովի վարչական շենքը։
Լրահոս
Ընթերցողի ընտրանի
- 1 Գուդաուրիի հնդկական ռեստորաններից մեկում հայտնաբերվել է 12 մարդու դի
- 2 Կոբախիձեի խոսքով՝ պետական ծառայողները և ուսուցիչները ընթերցանության ընկալման խնդիր ունեն
- 3 Ցույցերի ժամանակ Թբիլիսիում է գտնվել Ռուսաստանի ոստիկանական արհմիությունների ասոցիացիայի ղեկավարը
- 4 Թող գա Իվանիշվիլին... նոր ընտրությունների օրը պետք է համաձայնեցվի մինչև դեկտեմբերի 29-ը. նախագահի կոչը
- 5 Իվանիշվիլին պետք է որոշում կայացնի և նշանակվեն նոր ընտրություններ․ նախագահ
- 6 «Մենք գիտենք, թե դա ինչ է». Ալիևը՝ Վրաստանում ոչ կառավարական կազմակերպությունների ֆինանսավորման մասին
Օգոստոսին ԿԸՀ շենքի մոտ երեք մետրանոց երկաթե պարիսպ է կառուցվել, իսկ շենքի ներսում անվտանգության մարմին է մտցվել, ինչը ԿԸՀ նախագահ Գիորգի Կալանդարիշվիլին բացատրել է որպես աշխատակիցների անվտանգության ու կարգուկանոնի նկատառում։ Բացի այդ, հոկտեմբերին՝ վարչապետ Կոբախիձեի հրամանագրով, ԿԸՀ նախագահին պետական պահպանություն է նշանակվել։
Կառավարության նոր որոշմամբ հաստատվել է Քրեական օրենսգրքի 222-րդ և/կամ 330-րդ հոդվածի նպատակներով ռազմավարական և/կամ հատուկ նշանակության օբյեկտների ցանկը։
- 222-րդ հոդվածի համաձայն՝ ռազմավարական կամ հատուկ նշանակության օբյեկտի առգրավումը կամ արգելափակումը, որը խոչընդոտել կամ կարող է խանգարել այս հիմնարկի կամ օբյեկտի բնականոն գործունեությանը, պատժվում է տուգանքով կամ ուղղիչ աշխատանքով՝ առավելագույնը մեկ տարի ժամկետով կամ ազատազրկմամբ՝ առավելագույնը երկու տարի ժամկետով։ Նույն արարքը, որը կատարվել է խմբով կամ մեկից ավելի անգամ՝ պատժվում է երկու տարի ուղղիչ աշխատանքով կամ երկուսից չորս տարի ազատազրկմամբ։
- Քրեական օրենսգրքի 330-րդ հոդվածը վերաբերում է ահաբեկչական նպատակներով ռազմավարական կամ հատուկ նշանակության օբյեկտի զավթմանը կամ արգելափակմանը, որն առավել ծանր հանցագործություն է և պատժվում է ազատազրկմամբ՝ 10-ից 15 տարի ժամկետով։
«Ռազմավարական և/կամ հատուկ նշանակության օբյեկտի» կարգավիճակ տրվել է ընդհանուր առմամբ 33 օբյեկտի։ Բացի ԿԸՀ-ից, ցուցակում ընդգրկվել են կառավարության և նախագահականի վարչական շենքերը, դատախազության համակարգը, սահմանադրական դատարանը և ընդհանուր դատարանները, ինչպես նաև Վրաստանի պատրիարքարանի տարածքը և օդանավակայանները։
