Թբիլիսիի ոստիկանության դեպարտամենտի աշխատակիցները ձերբակալել են տրանսգենդեր կնոջ՝ Կեսարիա Աբրամիձեի սպանության մեջ մեղադրվող տղամարդուն։ 1998 թվականին ծնված Բ.Ջ․-ին սպառնում է 16-ից 20 տարվա կամ ցմահ ազատազրկում:
Լրահոս
Ընթերցողի ընտրանի
- 1 ՌԴ արտաքին հետախուզությունը հայտնում է, որ ԱՄՆ-ը «գունավոր հեղափոխություն» է նախապատրաստում Վրաստանում
- 2 «Վրացական երազանքը» դադարել է երազանք լինելուց, այն դարձել է մղձավանջ. նախագահ
- 3 Թբիլիսիում երկաթուղային վթարի հետևանքով զոհվել է «Վրացական երկաթուղու» 2 աշխատակից
- 4 Ես պատրաստ եմ ստանձնել մեծ պատասխանատվություն, ներառյալ երկրորդ ժամկետով. Զուրաբիշվիլի
- 5 «Մենք ուժ կգտնենք մեր մեջ, որպեսզի ներողություն խնդրենք». Իվանիշվիլին՝ 2008 թվականի պատերազմի մասին
- 6 Դեդոփլիծղարոյում արհեստական լճում ինքնազգացողությունը վատացած 16-ամյա դեռահասը մնում է կլինիկայում
ՆԳ նախարարության տեղեկության համաձայն՝ հետաքննությամբ պարզվել է, որ այս տարվա սեպտեմբերի 18-ին, Դիդի Դիղոմի թաղամասում, մեղադրյալը վիճաբանության ժամանակ սառը զենքով, սեփական տանը բազմաթիվ վնասվածքներ է հասցրել 1987 թվականին ծնված Կեսարիա Աբրամիձեին և թաքնվել դեպքի վայրից։ Վիրավոր կինը ստացած վնասվածքների հետևանքով տեղում մահացել է։
«Իրավապահների կողմից ձեռնարկված քննչական գործողությունների արդյունքում հանցագործություն կատարած անձը տաք հետքերով հայտնաբերվել և ձերբակալվել է։ Հանցագործության զենքը՝ դանակը, որպես ապացույց առգրավվել է»,- հայտնել են ՆԳՆ-ից։
Գործը քննվում է քրեական օրենսգրքի 109-րդ հոդվածի «Թ» և «Մ» կետերով, որը վերաբերում է դիտավորությամբ առանձնակի դաժանությամբ և գենդերով պայմանավորված ծանրացուցիչ հանգամանքներում կատարված սպանությանը։
