«Արդեն ժամանակն է մտածել տարբեր կրոնական և էթնիկ փոքրամասնությունների տոները ոչ աշխատանքային օրեր ճանաչելու մասին»,- այս մասին այսօրվա լիագումար նիստում հայտարարել է Վրաստանի խորհրդարանի անկախ պատգամավոր Տարիել Նակաիձեն։
Լրահոս
Ընթերցողի ընտրանի
- 1 Ես կտրականապես դեմ էի առանց վիզայի ռեժիմի կասեցմանը, բայց փոխեցի իմ դիրքորոշումը․ Ռոթ
- 2 Նախագահը չի ճանաչում ընտրությունների արդյունքները. հոկտեմբերի 28-ին Ռուսթավելիում հավաք է նախատեսվում
- 3 Գախարիայի կուսակցությունից հայտնել են, որ ԿԸՀ-ում առկա ընտրակեղծիքների ապացույցները վտանգի տակ են
- 4 Եվրահանձնաժողովի գնահատմամբ՝ Վրաստանը չի կատարել անցյալ տարվա հանձնարարականները
- 5 Բայդենի հայտարարությունից պարզ է դառնում, որ այս ընտրությունները չեն կարող լեգիտիմ ճանաչվել․ «Ուժեղ Վրաստան»
- 6 Եվրահանձնաժողովը խորհուրդ չի տալիս սկսել Վրաստանի անդամակցության շուրջ բանակցությունները
Նակաիձեի խոսքով՝ ինքն արդեն պատրաստել է համապատասխան օրենսդրական նախաձեռնություն՝ խորհրդարան ներկայացնելու համար, որը գրանցելու է աշնանային նստաշրջանում։
«Վաղը հուլիսի 28-ն է։ Մուսուլմանական աշխարհը նշում է Կուրբան բայրամի տոնը։ Ցավոք սրտի, մեր երկրում մուսուլման քաղաքացիների համար դեռևս չկա հնարավորություն, որպեսզի վերջիններս իրենց հավատքին համապատասխան կատարեն իրենց կրոնով պարտադրված պարտավորությունները։
Օրինակ՝ ես որպես պատգամավոր, գործնականում ստիպված եմ վաղը չմասնակցել նիստին, բայց, միևնույն ժամանակ, այստեղ իմ ձայնը կարևոր է։ Վրաստանի շատ քաղաքացիներ, ովքեր աշխատում են պետական կամ մասնավոր ծառայություններում, նման ճնշման տակ են։ Նրանց հնարավորություն չի տրվում այս օրն ունենալ որպես տոն և ազատորեն կատարել իրենց պարտականությունները՝ ըստ իրենց հավատքի», - ասել է Տարիել Նակաիձեն՝ նշելով, որ ուսանողներն ու աշակերտները նույնպես այս խնդրի առաջ են կանգնած։
Ընդհանուր առմամբ, խոսքը վեց օրվա մասին է։ Պատգամավորի խոսքով՝ ինքը չի կարծում, որ վեց օր հանգստյան օր հայտարարելը «աղետ կառաջացնի աշխատաշուկայում», այն դեպքում, երբ Վրաստանում արդեն բավականին շատ են արձակուրդները։
Տարիել Նակաիձեն հույս է հայտնել, որ իր նախաձեռնությանը կաջակցեն ինչպես իշխող քաղաքական կուսակցության, այնպես էլ ընդդիմության ներկայացուցիչները։
