Լեյբորիստները Մեծ Բրիտանիայի խորհրդարանում բացարձակ մեծամասնություն են ստացել

Պահպանողական կուսակցությունը՝ վարչապետ Ռիշի Սունակի գլխավորությամբ, գրանցել է իր վատագույն ցուցանիշները 20-րդ դարի սկզբից ի վեր՝ ստանալով ընդամենը 121 մանդատ:

Սա նշանակում է պահպանողականների կառավարման 14 տարվա ավարտը: Նոր վարչապետը կլինի լեյբորիստների առաջնորդ Կիր Սթարմերը։

«Մենք արեցինք դա։ Փոփոխությունները սկսվում են հիմա։ Մենք ասացինք, որ վերջ կտանք քաոսին և կանենք: Մենք ասացինք, որ կշրջենք էջը և արեցինք։ Այսօր մենք սկսում ենք հաջորդ գլուխը, սկսում ենք աշխատանքը, որը կբերի փոփոխություններ: Մենք սկսում ենք ազգային նորացման և մեր երկիրը վերակառուցելու առաքելությունը»,- հաղթանակից հետո ասել է Սթարմերը։

Գրեթե բոլոր ընտրատարածքներում ձայների հաշվարկն արդեն ավարտվել է։ Ըստ նախնական արդյունքների՝ 71 մանդատ ստացել են Լիբերալ-դեմոկրատները, 9 մանդատ՝ Շոտլանդիայի ազգային կուսակցությունը, 7 մանդատ՝ Իռլանդիայի հանրապետական ​​կուսակցությունը, 28 մանդատ՝ այլ կուսակցություններ։

Ռիշի Սունակը արտահերթ խորհրդարանական ընտրություններ նշանակելու որոշումը կայացրել է մեկուկես ամիս առաջ։

Վերջին տարիների հարցումները ցույց են տվել, որ տնտեսական վիճակի վատթարացման և կենսամակարդակի անկման պատճառով իշխող կուսակցությունը վարկանիշային առումով զիջում է ընդդիմությանը, թեև խորհրդարանում այն մեծամասնություն ուներ։ Հաջորդ խորհրդարանական ընտրությունները պետք է կայանային 2025 թվականի հունվարին։