Մառնեուլիի և Հուջաբիի եպիսկոպոս Գիորգին (Ջամդելիանին) քարոզի ժամանակ ասել է, որ ներկայիս կառավարության անդամներից մեկը ծրագրել է սպանել իրեն, և որ դրա համար նա վարձել է միանձնուհի։
Լրահոս
Ընթերցողի ընտրանի
- 1 ՆԱՏՕ-ի և Եվրամիության տեղեկատվական կենտրոնը լուծարվում է
- 2 Որևէ ոստիկան պատասխանատվության ենթարկվե՞լ է, նման դեպք չկա․ Իոսելիանի
- 3 Ընտրությունները նախ պետք է լինեն խորհրդարանական, ապա՝ տեղական, կամ համատեղ․ Զուրաբիշվիլի
- 4 Սալոմե Զուրաբիշվիլին ճանապարհը փակելու համար տուգանվել է 5000 լարիով
- 5 «Վրացական երազանքը» թույլ է տալիս Ռուսաստանին մեծացնել ազդեցությունը երկրում. ԱՄՆ հետախուզություն
- 6 Արդյո՞ք մեր շահերից է բխում աշխարհի այս հատվածում հակաամերիկյան կառավարության լինելը. Ռուբիոն` Վրաստանի մասին
«Ես կոնկրետ անձի չեմ նշի։ Շատ ցավալի է, որ այն անձինք, ովքեր ինձ հետ հաց են կիսել, կերել ու խմել են, ինձ իրենց եղբայրը համարել... հենց այդ մարդուն են ասել, որ մեղադրանք առաջադրի, այս ամենը լսվեց, և ես՝ որպես թեմի հովիվ և դատավոր, դատավճիռ կայացրի, որ նա դավաճան է, ինչպես Հուդան և դավաճան, որը
պատրաստում էր իմ սպանությունը, իմ լիկվիդացիան։ Նա պայմանավորվել էր միանձնուհու հետ, որը ապրում էր նստավայրում, որին հանձնարարել էին...
Այս մարդը բարձրաստիճան պաշտոնյա է, մասնավորապես՝ անվտանգության գերատեսչության ներկայացուցիչ։ Միանձնուհին դուրս է հանել նստավայրից ստացված ողջ տեղեկատվությունը։ Ես չգիտեմ, թե ինչով են նրան շանտաժի ենթարկել, չգիտեմ, թե ինչ են արել նրա հետ, չնայած, գիտեմ, բայց հիմա դրանից ձեռնպահ եմ մնում։
Նրանք նրան մեկ տարի պատրաստել են և ասել են, որ պետք է նա թույն լցնի ուտելիքի մեջ։ Այսպիսին են իրադարձությունները և իրավիճակը թեմում։ Այս մարդը թաքնվելու տեղ չունի, նա կոտրել է իր զգոնությունը, փախել է այստեղից՝ պոչը թափահարելով։ Իհարկե, ես նրան չդիպա, քանի որ որպես քահանա ես մեծ պարտավորություն ունեմ համբերատար լինելու, և հիմա նրանից ամեն ինչ է սպասվում, ամեն տեսակի սադրանքներ։
Կարծում եմ, որ նրա ետևում ուժեր կան, այս անձը կառավարության անդամ է, կառավարության ներկայիս անդամ։
Եթե իշխանությունը, կառավարությունը զերծ չմնա նրանից, ապա ինձ համար շատ ավելի շատ բաներ պարզ կդառնան», - ասել է Մառնեուլիի եպիսկոպոսը։
Գիորգի Ջամդելիանիի հայտարարության հիման վրա, որտեղ նա խոսում է իր կանխամտածված սպանության նախապատրաստման փաստի մասին, դատախազությունը հետաքննություն է սկսել կանխամտածված սպանության նախապատրաստման հոդվածով։
Եպիսկոպոսը նշում է, որ մտադիր չէ համագործակցել դատախազության հետ և ցուցմունք տալ քննության համար՝ օրենքով իրեն տրված իրավունքի սահմաններում։
Քրեական դատավարության օրենսգրքի 50-րդ հոդվածի համաձայն՝ հոգևորականը պարտավոր չէ հարցաքննվել և հանձնել գործի համար կարևոր տեղեկություններ պարունակող առարկա, փաստաթուղթ, նյութ կամ այլ առարկա՝ խոստովանության կամ այլ վստահության արդյունքում իրեն հայտնի դարձած հանգամանքների մասին։
