Մդինարաձեն՝ առատ ձյան մասին. «Պետությունն անում է ամեն ինչ իր ուժերից վեր»

«Պետությունն ամեն ինչ անում է, որպեսզի ձեռք մեկնի յուրաքանչյուր մարդու և յուրաքանչյուր ընտանիքի և ինչ-որ կերպ մեղմի աղետի հետևանքով առաջացած խնդիրները։ Առավելագույնը արված է։ Քաղաքային բոլոր ծառայությունները ներգրավված են։

Արևմուտքում պետական ​​հիմնարկներում գործնականում մարդ չկա, բոլորը դուրս են եկել գյուղեր ու քաղաքներ՝ հնարավորինս օգնելով բնակչությանը։

Նաև, վարչապետի հրամանի համաձայն, արդեն իսկ ակտիվացվել են Պաշտպանության ուժերը։ Նրանցից շատերն արդեն տեղում են, ոմանք ճանապարհին են և հնարավորության դեպքում մտնում են յուրաքանչյուր ընտանիք: Կա վայր, որտեղ նույնիսկ ծանր տեխնիկան, նույնիսկ ամենաարտաճանապարհային մեքենաները, դժվարությամբ են մոտենում»,- ասել է Մդինարաձեն։

Նա ասել է, որ կան «մի քանի գյուղեր, մի քանի ընտանիքներ, որոնցից կան որոշակի խնդիրներ և տագնապալի ազդանշաններ»։

«Մինչ այժմ փորձում էին մոտենալ ծանր տեխնիկայով, արտաճանապարհային մեքենաներով, և դա գործնականում անհնար է, թեև ճանապարհներ են բացվում»,- նշել է Մամուկա Մդինարաձեն։

«Վրացական երազանքի» առաջնորդի խոսքով՝ աղետի հետևանքով մեկ մարդ է մահացել ուղղակիորեն, սակայն կեղծ տեղեկություններ են տարածվում, որ աղետը բազմաթիվ մարդկանց մահվան պատճառ է դարձել։

«Ես կարող եմ ձեզ մի հրաշք պատմել հենց այստեղ՝ Լանչխութիում, Նինոշվիլի գյուղում, 106-ամյա մի կին է մահացել, որի մասին գրել են, որ ծայրահեղ իրավիճակ է, նրան չեն կարողացել հասնել, և նա մահացել է տարերային աղետի հետևանքով։ Պատկերացրեք, նույնիսկ 106-ամյա կնոջ մահը վերագրվում էր բնական աղետներին։ [...] Պետությունն անում է այն ամենը, ինչ տեսականորեն հնարավոր է, ու խուճապի մեջ են։ Պատկերացրեք վնասի աստիճանը»,- լրագրողներին ասել է Մամուկա Մդինարաձեն։

Արևմտյան Վրաստանում, հատկապես Գուրիայի, Աջարիայի, Իմերեթիի շրջաններում մի քանի օր ձյուն է տեղում։ Գուրիայի բոլոր երեք մունիցիպալիտետներում՝ Օզուրգեթիում, Լանչխուտիում և Չոխաթաուրիում ձյան ծածկը տեղ-տեղ հասել է մինչև երկու մետրի։ Ներքին ճանապարհներները փակ են։ Բացի այդ, որոշ գյուղեր արդեն չորս-հինգ օր է, ինչ հոսանքազրկված են, իսկ որոշ գյուղեր չունեն բնական գազ ու ջուր: Ձյունն արդեն տասնյակ տներ է ավերել։

Քաղաքացիները սոցիալական ցանցերում գրում են, որ չեն կարողանում կապ հաստատել գյուղերում մնացած ընտանիքի անդամների և միայնակ տարեցների հետ։ Ոմանք ասում են, որ սպառվում են սննդի պաշարները, այդ թվում՝ երեխաների համար:

Քաղաքացիները կառավարությանը մեղադրում են անփութության մեջ։ Ասում են, որ ճանապարհների մաքրման աշխատանքները ժամանակին չեն սկսվել, իսկ մոբիլիզացված տեխնիկան անբավարար է։

Այսօր՝ փետրվարի 25-ին, «Վրացական երազանքի» վարչապետ Իրակլի Կոբախիձեն հրաման է արձակել, և Պաշտպանության ուժերը կներգրավվեն բնակչությանն աջակցելու գործընթացում։ Ավելի վաղ կամավորներ էին կազմակերպվել Գուրիայի բնակիչներին օգնելու համար։