Մեծ Բրիտանիայում Ուկրաինայի դեսպան Վալերի Զալուժնին ասել է, որ ԱՄՆ-ը «քանդում է» աշխարհակարգը

«Ակնհայտ է, որ Սպիտակ տունը կասկածի տակ է դնում ողջ արևմտյան աշխարհի միասնությունը, և այժմ Վաշինգտոնը փորձում է անվտանգության հարցերը պատվիրակել Եվրամիությանը առանց ԱՄՆ-ի մասնակցության։ Կարելի է ասել, որ ՆԱՏՕ-ն նույնպես կարող է դադարել գոյություն ունենալ մոտ ապագայում։

ԱՄՆ-Ռուսաստան մի շարք բանակցություններ վարում են համաշխարհային հանցագործները։ Մենք տեսնում ենք, որ Սպիտակ տունը քայլեր է ձեռնարկում դեպի Կրեմլ։ Այսպիսով, Ռուսաստանի հաջորդ թիրախը կարող է լինել Եվրոպան։ Միացյալ Նահանգները որոշել է դադարեցնել Ռուսաստանի դեմ ցանկացած կիբեր գործողություն և ձեռնպահ է մնում Ռուսաստանի գործողությունները որպես ագրեսիա որակելուց, ինչը մեծ հարված է ողջ աշխարհին և հատկապես Եվրոպային։

«Մենք տեսնում ենք, որ ոչ միայն չարի առանցքը և Ռուսաստանը փորձում են վերանայել աշխարհակարգը, այլև ԱՄՆ-ը ի վերջո քանդում է այդ կարգը»,- ասել է Զալուժնին։

Դեսպանի խոսքով՝ Ուկրաինան միջուկային զենք չունի, ինչի պատճառով էլ իր ազատության գինը վճարում է արյունով։ Բացի այդ, Զալուժնին հայտարարել է, որ մոտ ապագայում՝ 5-10 տարի հետո, առանց Ուկրաինայի անվտանգության նոր եվրոպական ճարտարապետությունն անհնար է պատկերացնել։

Վալերի Զալուժնին Միացյալ Թագավորությունում Ուկրաինայի դեսպանի պաշտոնը ստանձնել է 2024 թվականին։ Մինչ այդ երեք տարի նա եղել է Զինված ուժերի գերագույն գլխավոր հրամանատարը։