Օկուպացված Աբխազիայի դե ֆակտո արտաքին գործերի նախարարությունն արձագանքել է «Վրացական երազանքի» պատվավոր նախագահ Բիձինա Իվանիշվիլիի հայտարարությանը, թե Վրաստանի կառավարությունը հոկտեմբերի 26-ի խորհրդարանական ընտրություններում հաղթանակից հետո իր մեջ ներողություն խնդրելու ուժ կգտնի այն բանի համար, որ «Ազգային շարժումը» 2008 թվականին «կրակի է մատնել օս քույրերին ու եղբայրներին»։
Լրահոս
Ընթերցողի ընտրանի
- 1 Գուդաուրիի հնդկական ռեստորաններից մեկում հայտնաբերվել է 12 մարդու դի
- 2 Լարված իրավիճակ է Բոլնիսիում, որտեղ ավտովթարից երկու անչափահաս է զոհվել
- 3 Թող գա Իվանիշվիլին... նոր ընտրությունների օրը պետք է համաձայնեցվի մինչև դեկտեմբերի 29-ը. նախագահի կոչը
- 4 Ցույցերի ժամանակ Թբիլիսիում է գտնվել Ռուսաստանի ոստիկանական արհմիությունների ասոցիացիայի ղեկավարը
- 5 ԱՄՆ-ը պատժամիջոցներ կկիրառի և կվտարի հանցագործների (Իվանիշվիլի և ընկերություն) հարազատներին․ Ուիլսոն
- 6 Իվանիշվիլին պետք է որոշում կայացնի և նշանակվեն նոր ընտրություններ․ նախագահ
«Չնայած այս հայտարարությունն ուղղակիորեն չի վերաբերում Աբխազիայի Հանրապետությանը, մենք կցանկանայինք նշել, որ նման հայտարարությունը, եթե այն հիմնված է հաշտեցմանն ուղղված քայլերի վրա, որոնք հիմնված են անցյալի սխալների վերագնահատման և Հարավային Օսիայի և Աբխազիայի ժողովրդից ներողություն խնդրելու, քաղաքական ու տնտեսական ճնշման մեթոդները մերժելու և խաղաղության համաձայնագրի ստորագրման վրա, կարող է դառնալ խաղաղ գոյության և բարիդրացիական հարաբերությունների տանող գործընթացի սկիզբը», - ասվում է այսպես կոչված արտաքին գործերի նախարարության հայտարարության մեջ։
Դե ֆակտո կառավարության գնահատմամբ՝ Իվանիշվիլիի հայտարարությունը ցույց է տալիս, որ Վրաստանում դեռ կա ներքին վերագնահատման և սեփական սխալների ճանաչման ռեսուրս։
«Հուսանք, որ պարոն Իվանիշվիլին ավելի անկեղծ կլինի իր մտադրություններում և ճիշտ խոսքեր կգտնի աբխազ ժողովրդի առնչությամբ, որն այս անգամ չի խուսափի գործից և կավարտվի միջազգային երաշխիքների մասին իրավաբանորեն պարտադիր փաստաթղթի ստորագրմամբ՝ Աբխազիայի և Վրաստանի և Հարավային Օսիայի և Վրաստանի միջև ուժի չկիրառման մասին»,- ասված է հայտարարության մեջ։
Բիձինա Իվանիշվիլին ներողություն խնդրելու մասին հայտարարել է սեպտեմբերի 14-ին Գորիում կայացած նախընտրական հանդիպման ժամանակ։
Իշխող կուսակցության ղեկավարի հայտարարությունը ընդդիմությունը որակել է «դավաճանական»։ «Միացյալ ազգային շարժման» գնահատմամբ՝ «Վրացական երազանքը» սպասարկում է միայն Ռուսաստանի շահերը, խարխլում է օկուպացված տարածքների չճանաչման քաղաքականությունը և վնասում Վրաստանի ազգային շահը։
